🌾🌾🌾🌾🌾🌾🌾🌾🌾🌾

🔹တောင်သူဦးကြီးတို့ စပါးစိုက်ပျိုးရာတွင် မျိုးစေ့ဆောင်ရောဂါများကိုကာကွယ်ရန်၊ ပေါင်းမျိုးစေ့များ စပါးအဖျင်းအမှော်များကို ဖယ်ရှားရန်နှင့် သန့်စင်သောစပါးမျိုးများရရှိနိုင်ရန် စပါးမစိုက်ခင်တွင် မျိုးစေ့ ဆားရည်စိမ်ခြင်းကို ပြုလုပ်ပေးသင့်ပါသည်။ ယခု စပါးစေ့ရေမြုပ်စစ်ဆေးနည်းသည် မျိုးကောင်းနှင့် မျိုးညံ့ကို ခွဲခြားပေးရန်အတွက် အလွန်အထောက်အကူဖြစ်စေသည့်အတွက် တင်ပြလိုက်ရပါသည်။

🔹မျိုးစေ့ကိုဆားရည်စိမ်၍ မျိုးစေ့ကောင်းရွေးချယ်နည်း🔹

 ☑️ပထမဆုံး ပုံးတစ်ခုထဲသို့ သန့်စင်သောရေကို ထည့်ပါ။

 ☑️ရေကို သိပ်သည်းဆများစေရန်အတွက် ဆားထည့်ပေးပါ။ (ရေ ၁ဂါလံအတွက် ဆား ၅၀ ကျပ်သား ထည့်ပေးပါ)

 ☑️ကြက်ဥတစ်လုံးရေပေါ်တွင် ပေါ်နိုင်သည့်အထိ ဆားထည့်ပေးရန် လိုအပ်ပါသည်။

 ☑️ရေထဲသို့ စပါးမျိုးစေ့များထည့်ပြီး လက်နဲ့သမအောင်မွှေပါ။ ခဏကြာတဲ့အခါ အနာအဆာပါသည့် အဖျင်းအမှော်မျိုးစေ့များဟာ ရေပေါ်တွင်ပေါ်လာမည်ဖြစ်သည်။

 ☑️ကောင်းမွန်သည့် မျိုးစေ့များသည် ရေပုံး၏အောက်ခြေတွင် စုနေပါလိမ့်မည်။ အနာအဆာရှိတဲ့ မျိုးစေ့များကို ဖယ်ရှားပြီးတဲ့အခါ မျိုးစေ့အကောင်းများကို ရေအသန့်နဲ့ (၃ - ၄) ထပ်လောက် ပြန်ဆေးပေးရပါမည်။

🔹ရရှိနိုင်သည့် အကျိုးကျေးဇူးများ🔹

 ☑️စပါးအပင်ပေါက်နှုန်း ကောင်းမွန်ပြီး အပင်ပေါက်စုံစေခြင်း။

 ☑️အပင်ပေါက်ညီကာ လေဝင်လေထွက်ပိုမိုကောင်းမွန်ခြင်း။

 ☑️မျိုးစေ့ဆောင်ရောဂါဖြစ်ပွားမှုကို လျော့ကျစေနိုင်ခြင်း။

 ☑️ပျိုးပင်သန်မာခြင်းကြောင့် ပိုးမွှားရောဂါဒဏ် ပိုမိုခံနိုင်ရှိလာခြင်း။

 ☑️ဆားရည်စိမ်ခြင်းဖြင့်ပေါင်းမျိုးစေ့များကို ဖယ်ရှားနိုင်သောကြောင့် ပေါင်းပေါက်ရောက်မှုနည်းပါးပြီး စပါးပျိုးပင်များအာဟာရဓာတ်ပိုမိုရရှိနိုင်သည့်အတွက် စပါးအထွက်နှုန်းကို သိသာစွာတိုးစေပါသည်။

Sources : စိုက်ပျိုးရေးဦးစီးဌာန