🌾🌿🍉🫘🌾🌿🌾🫘🍉🌿🌾

✔️မူဆယ်မှ တရုတ်နိုင်ငံသို့ နေ့စဉ်ကုန်မျိုးစုံတင်ဆောင်ထားတဲ့ ယာဉ်အစီးရေ (၁၅၀)ခန့်နှင့် ကုန်သွယ်မှု ပြုလုပ်နေတယ်လို့ မူဆယ်ဆန်စပါးကုန်စည်ဒိုင်က သိရပါတယ်။

✔️လက်ရှိ ဖရဲသခွားအဝင်မရှိသေးဘဲ ကျင်းစန်းကျော့ဂိတ်ကနေ အစားထိုးယာဉ်မောင်းနဲ့ တိုက်ရိုက် တင်ပို့နေကာ ဆန်နဲ့ ဆန်ကွဲကတော့ ပုံမှန်အရောင်းအဝယ်ရှိတယ်လို့ သိရပါတယ်။ 

✔️မူဆယ်အထိုင် ဆန်ကွဲကီလို (၅၀) တစ်အိတ်ကို ၁၂၇ ယွမ်နဲ့ ဆန်ကီလို (၅၀) တစ်အိတ်ကို ၁၄၃ ယွမ်မှ ၁၄၈ ယွမ်အထိ ပေါက်ဈေးရှိတယ်လို့ သိရပါတယ်။

✔️နိုဝင်ဘာလကုန်သွယ်မှုအနေအထားက အောက်တိုဘာလထက် ပိုမိုကုန်သွယ်ထားနိုင်ပြီး နိုဝင်ဘာလ ဒုတိယပတ်အတွင်း မူဆယ်မှ တရုတ်နိုင်ငံသို့ ဖရဲသခွားတင်ပို့တဲ့ယာဉ် (၁၉) စီး၊ ဆန်နဲ့ဆန်ကွဲ တင်ပို့တဲ့ယာဉ်(၂၄) စီး၊ လယ်ယာထွက်ကုန်နှင့် ပဲမျိုးစုံအပါအဝင် ကုန်မျိုးစုံတင်ပို့တဲ့ယာဉ် (၁၀၂) စီး နှင့် တင်ပို့ထားကာ တရုတ်နိုင်ငံမှ လျှပ်စစ်ပစ္စည်း၊ ဆောက်လုပ်ရေးပစ္စည်း၊ အိမ်သုံးပစ္စည်း နှင့် စက်မှုပစ္စည်းများကို တင်ပို့တဲ့ယာဉ် (၅၀) ခန့်နဲ့ ပြန်လည်တင်သွင်းခဲ့တယ်လို့ သိရပါတယ်။

✔️သီးနှံဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : Myanmaplatform

၂၀ - ၁၁ - ၂၀၂၂