🌱🌱🌱🌱🌱🌱🌱🌱🌱🌱

↗️ မန္တလေးကုန်စည်ဒိုင်သို့ သပိတ်ကျင်း၊ ကြာညှပ်၊ တကောင်းဘက်မှ နှမ်းအသစ်များဝင်ရောက်နေပြီး အရောင်းဝယ်အေး၊ ဈေးအေးနေကြောင်းသိရသည်။ 

↗️ နှမ်းဖြူမှာယခင်တစ်ပတ်ထက် ဈေးမြင့်လာသော်လည်း ယခင်လထက်ဈေးနိမ့်နေသည်။ နှမ်းညို နှင့် နှမ်းနက်(စမုံ)မှာ အနိမ့်ဈေးဖြင့် အရောင်းအဝယ်ဖြစ်နေသည်။

↗️ နှမ်းဖြူ(ရိုးရိုး) ၄၅ပိဿာဝင် သုံးတင်းတစ်အိတ်လျှင် ယခုတစ်ပတ် ကျပ်၂၇၅,၀၀၀ မှ ၂၈၅,၀၀၀၊ ယခင်တစ်ပတ်ကျပ် ၂၇၀,၀၀၀၊ ယခင်လကျပ် ၃၀၀,၀၀၀ မှ ၃၀၅,၀၀၀ ဖြစ်သည်။ ဈေးများမှာ ယခင်တစ်ပတ်ထက် ကျပ် ၁၅,၀၀၀ မြင့်တက်လာပြီး၊ ယခင်လထက် ကျပ် ၂၀,၀၀၀ မှ ၂၅,၀၀၀နိမ့်ကျလာသည်။

↗️ နှမ်းညို ၄၅ပိဿာဝင် သုံးတင်းတစ်အိတ်လျှင် ယခုတစ်ပတ်ကျပ် ၂၃၀,၀၀၀ မှ ၂၃၅,၀၀၀၊ ယခင် တစ်ပတ်ကျပ် ၂၃၀,၀၀၀ မှ ၂၃၅,၀၀၀၊ ယခင်လကျပ် ၂၅၈,၀၀၀ မှ ၂၆၀,၀၀၀ ဖြစ်သည်။ ဈေးနှုန်းများမှာ ယခင်တစ်ပတ်အတိုင်း ဈေးငြိမ်နေပြီး၊ ယခင်လထက်ကျပ် ၂၅,၀၀၀ မှ ၂၈,၀၀၀ နိမ့်ကျလာသည်။

↗️ နှမ်းနက်(စမုံ)မှာ ၄၅ပိဿာဝင် သုံးတင်းတစ်အိတ်လျှင် ယခုတစ်ပတ် ကျပ် ၂၄၀,၀၀၀ မှ ၃၀၀,၀၀၀၊ ယခင်တစ်ပတ်ကျပ် ၂၄၅,၀၀၀ မှ ၃၀၀,၀၀၀၊ ယခင်လကျပ် ၂၇၀,၀၀၀ မှ ၃၅၀,၀၀၀ ဖြစ်သည်။ ဈေးနှုန်းများမှာ ယခင်တစ်ပတ်ထက် ကျပ် ၅,၀၀၀၊ ယခင်လထက် ကျပ် ၃၀,၀၀၀ မှ ၅၀,၀၀၀ နိမ့်ကျလာသည်။

↗️ မန္တလေးကုန်စည်ဒိုင်သည် ကထိန်အလှူကိုအကြောင်းပြု၍ ဖြစ်ပေါ်လာသည့် ကုန်စည်ဒိုင်ဖြစ်၍ နှစ်စဉ်ကထိန်ရာသီတွင် အရောင်းအဝယ်အေးလေ့ရှိသည်။ လတ်တလောတွင် ပြည်ပတင်ပို့မှု အေးနေခြင်းသည်လည်းဈေးအေးခြင်းအကြောင်းတစ်ခုဖြစ်ကြောင်းသိရသည်။

↗️ သီးနှံဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း