🍃🍉🍃🍉🍃🍉🍃🍉🍃🍉🍃🍉🍃  

▪️ယခုနှစ်တွင် ဖရဲစိုက်ပျိုးမှု လျော့ကျသည့်အပြင် လက်ရှိအချိန်တွင် တရုတ်နိုင်ငံဘက်သို့ ဖရဲကားများ ဝင်ရောက်နိုင်မှု နည်းပါးသဖြင့် ဖရဲတစ်တန်လျှင် ယွမ် ၆,၀၀၀ ထိ စံချိန်တင် အမြင့်ဆုံးဈေး ရရှိခဲ့ကြောင်း သိရသည်။  

▪️တရုတ်နိုင်ငံဘက်သို့တင်ပို့ရန် မူဆယ်အသီးကွင်းအတွင်း ဖရဲကားစီးရေ ၂ဝဝ ခန့်ရှိနေသော်လည်း ကျင်စန်းကျော့ နယ်စပ်ဂိတ်တွင် ကိုဗစ်-၁၉ ရောဂါစစ်ဆေးမှုများကြောင့် အစီးရေ ၃၀ ခန့်သာ ဝင်ရောက်ရောင်းချနိုင်သဖြင့် ဝယ်လက် များပြားကာ ဈေးအမြင့်ဆုံး ရရှိခဲ့ခြင်းဖြစ်သည်။  

▪️သို့သော် ကားအစီးရေ အများအပြား ဝင်ရောက်နိုင်ပါက ဖရဲသီးဈေးပြန်လည် ကျဆင်းနိုင်ကြောင်း နှင့် လက်ရှိတွင် အခြားပို့ကုန်ကားများနှင့်အတူ တန်းစီရန် မလိုတော့သော်လည်း တစ်လှည့်စီဝင်ရောက်ရ သဖြင့် တစ်ရက်လျှင် ဖရဲကားများ အပါအဝင် ကုန်ကား အစီး ၁၃၀ ခန့်သာ ဝင်ရောက်နိုင်ကြောင်း ခွာညိုပွဲရုံပိုင်ရှင် ဦးစိုင်းခင်မောင်က ပြောသည်။  

▪️"တစ်ရက်ကို အစီး ၃ဝကျော်ပဲ ဝင်နိုင်တော့ ဝယ်လိုအားကောင်းပြီး ဖရဲတစ်တန် ယွမ် ၅,ဝဝဝ-၆,ဝဝဝ ထိ ဈေးကောင်းရနေတယ်။ တရုတ်ဘက်က စစ်ဆေးမှု ကြန့်ကြာနေတော့ တစ်ရက်ကို ကုန်ကားအစီး ၁၃၀ ကျော်လောက်ပဲ ဝင်နိုင်တယ်။ဒီရက်ပိုင်းမှာတော့သခွား အသီးကား၁ဝစီးလောက်ဈေးကွက်တင်လာပါပြီ။ နိုဝင်ဘာ (၁၂-၁၃) ရက်တွေမှာ ၈၅၅ ဖရဲရှမ်းသီးက တစ်တန်ယွမ် ၆,ဝဝဝ ထိ ဈေးရလာတယ်။ဗမာသီး က ယွမ် ၅,ဝဝဝ ထိ စံချိန်တင် ဈေးရရှိလာတယ်။နောက်ရက်တွေ ကားအဝင် မြန်ဆန်လာလို့အစီး ၆၀-၇၀ ဖြစ်လာရင်တော့ ဒီဈေးတန်း ပြန်ကျသွားနိုင်တယ်" ဟု၄င်းက ပြောသည်။