လက်ရှိမှာတော့ စပါးတွေက ရှားလာပြီဖြစ်တဲ့အတွက် စပါးဈေးတွေက ဆက်တိုက်တက်နေပြီး ဆန်ဈေး နှုန်းကတော့ အရည်အသွေးပေါ်မူတည်ပြီး ဈေးကောင်းရနေပါတယ်။ အရောင်းအဝယ်ကတော့ ငြိမ်နေပါတယ်။ ရန်ကုန်ဝါးတန်းဈေးကွက်မှာတော့ ဆန်ချောဖြစ်တဲ့ ပေါ်ဆန်းသစ်ရှယ်က တစ်အိတ်ကိ ၂၉၀၀၀ ကနေ ၃၁၀၀၀ ပေါက်ဈေးရှိပြီး ၁၀၀၀ ကျပ်၊မြောင်းမြပေါ်ဆန်းဆန်က တစ်အိတ်ကို ၃၄၀၀၀ ကနေ ၃၆၀၀၀ ပေါက်ဈေးရှိပြီး ၁၀၀၀ကျပ်ဈေးတက်လာပါတယ်။  

ပုသိမ်ဈေးကွက်မှာတော့ ပုသိမ်ပေါ်ဆန်းစပါးက တင်း ၁၀၀ ကို ၈၀၆၀၀၀ ပေါက်ဈေးရှိပြီး ၂၈၀၀၀ ကျပ်၊ဈေးတက်လာပြီး ဆန်ကတော့ ဈေးအပြောင်းအလဲ မရှိပါဘူး။ ဧည့်မထ စပါးက တင်း ၁၀၀ ကို ၅၄၀၀၀၀ ကျပ်ရှိပြီး ၁၄၀၀၀ ကျပ်၊ဧည့်မထဆန်ကတော့ တစ်အိတ်ကို ၂၂၅၀၀ ပေါက်ဈေးရှိပြီး ၅၀၀ ကျပ် ဈေးတက်လာပါတယ်။  

မြောင်းမြပေါ်ဆန်းစပါးကတော့ တင်း ၁၀၀ ကို ၇၈၀၀၀၀ ပေါက်ဈေးရှိပြီး ၁၈၀၀၀၀ ကျပ် ဈေးတက်လာပြီး ဆန်ကတော့ ဈေးမပြောင်းပါ။ မြောင်းမြဧည့်မထ စပါးက တော့ တင်း ၁၀၀ ကို ၅၂၄၀၀၀ ပေါက်ဈေးရှိပြီး ၉၀၀၀ ကျပ်ဈေးတက်လာပါတယ် ဒေးဒရဲပေါ်ဆန်းစပါးကတော့ တင်း ၁၀၀ ကို ၇၂၀၀၀၀ ပေါက်ဈေးရှိပြီး ၂၆၀၀၀ ကျပ်ဈေးတက်လာပါတယ်။ ဆန်ကတော့ တစ်တင်းခွဲကို ၃၁၀၀၀ ပေါက်ဈေးရှိပြီး ၁၀၀၀ ကျပ်ဈေးတက်လာပါတယ်။ 

ဒေးဒရဲဧည့်မထ စပါးကတော့ တင်း ၁၀၀ ကို ၅၀၀၀၀၀ ရှိပြီး ဆန်ကတော့ တစ်တင်းခွဲ ကို ၁၉၀၀၀ နဲ့ ၁၀၀၀ ကျပ်ဈေးတက်လာ ပါတယ်။ ဖျာပုံပေါ်ဆန်းစပါးကတော့ တင်း ၁၀၀ ကို ၇၂၅၀၀၀ ပေါက်ဈေးရှိပြီး ၁၈၀၀၀ ဈေးတက်လာပါတယ်။ဆန်ကတော့ တစ်တင်းခွဲ ကို ၃၂၀၀၀ ပေါက်ဈေးရှိပြီး ၁၀၀၀ ကျပ် ဈေးတက် လာပါတယ်။ဖျာပုံဧည့်မထ စပါးကတော့ တင်း၁၀၀ ကို ၅၃၃၀၀၀ ကျပ်ပေါက်ဈေးရှိပြီး ၁၈၀၀၀ ကျပ် ဈေးတက်လာပါတယ်။ ဆန်ကတေ့ာ တစ်တင်းခွဲကို ၂၁၀၀၀ ကျပ်ပေါက်ဈေးရှိပြီး ၂၀၀၀ ကျပ် ဈေးတက်လာပါတယ်။  

မတ်ပဲကတော့ ဈေးတက်နိုင်ခြေ ရှိတယ်လို့ ကုန်သည်အများဆုက သုံးသပ်ထားပေမယ့် ဒီတစ်ပတ်မှာ တော့ တစ်တန်ကို ၁၀ သိန်းအောက်ထိ မထင်မှတ်အောင် ကျဆင်းသွားခဲ့ပါတယ်။ အိန္ဒိယကို တင်ပို့ခွင့်ရရှိထားပေ မယ့် ကိုရိုနာ ဗိုင်းရပ်ကြောင့် ကုန်သွယ်မှုတွေ အနည်းငယ်ရပ်ထားရမှ ဈေးတွေ ကျဆင်းသွားတယ်လို့လည်း သိရပါတယ်။  ပြည်တွင်းငွေလဲလှယ်နှုန်းကလည်း လတ်တလော ဈေးတွေ ကျဆင်းနေတာဖြစ်တဲ့အတွက် ဈေးရရှိမှုကလည်း နည်းပါးသွားပါတယ်။ 

မန္တလေးကုန်စည်ဒိုင်မှာတော့ သုံးတင်းဝင် တစ်အိတ်ကို ၉၀၀၀၀ ကနေ ၉၃၀၀၀ ပေါက်ဈေးရှိပြီး ၃၀၀၀ ကျပ် အသီးသီးဈေးကျဆင်းသွားခဲ့ပါတယ်။  

ပဲစင်းငုံနီကောတ့ ရန်ကုန်ဈေးကွက်မှာရက်ခြားသာ အရောင်းအဝယ်ဖြစ်ပြီး ပြီးခဲ့တဲ့ အပတ်နဲ့ ယှဉ်ရင်တော့ အနည်းငယ်တက်ပါတယ်။ နယ်ဈေးကွက်တွေမှာလည်း ဈေးက တက်လာခဲ့ပါတယ်။ ပြည်ပ အဝယ်နည်းပေမယ့် ပြည်တွင်းဝယ်လိုအားများလာတဲ့အတွက် ဈေးက တက်လာတာဖြစ်တယ်လို့သိရပါတယ်။