ရန်ကုန်ဈေးကွက်မှာတော့ ဆန်သစ်အချို့ ဈေးတက်လာပါတယ်။ ဆန်ကောင်း ရင်ဈေးကောင်းရတဲ့ အနေအထား ပါ။ အရောင်းအဝယ်ကတော့ ပုံမှန်ရှိနေပါတယ်။ မြောင်းမြပေါ်ဆန်းအသစ်ကတော့ တစ်အိတ်ကို ၃၄၀၀၀ ကနေ ၃၆၀၀၀ေ ပေါက်ဈေးရှိပြီး ၁၀၀၀ ကျပ်ဈေးတက်လာပါတယ်။ 

ပေါ်ဆန်းသစ်ရှယ်ကတော့ တစ်အိတ်ကို ၃၀၀၀၀ ကနေ ၃၃၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ် ဈေးတက်လာပါတယ်။ အကြမ်းသစ်ရှယ်ကလည်း တစ်အိတ်ကို ၂၁၅၀၀ ကနေ ၂၃၀၀၀ ပေါက်ဈေးရှိပြီး တစ်အိတ်ကို ၅၀၀ ကျပ် ဈေးတက်လာပါတယ်။ ပုသိမ်ဈေးကွက်မှာတော့ ဆန်ဈေး စပါးဈေးက ပြီးခဲ့တဲ့ အပတ်က အတိုင်း ဈေးငြိမ်နေခဲ့ပါတယ်။  

ပဲခူးတိုင်း ပေါင်းတည် မှာတော့ ရတနာတိုးစပါးက ဈေးကွက်အတွင်းမှာ မရှိတော့ အင်းလယ်စပါးက ဈေးတက်လာပါတယ်။အင်းလယ်စပါးက တင်း ၁၀၀ ကို ၆၃၀၀၀၀ ပေါက်ဈေးရှိပြီး ၄၀၀၀၀ ကျပ် ဈေးတက်လာပါတယ်။  

မတ်ပဲကတော့ ဒီတစ်ပတ်မှာလည်း ဈေးကျဆင်းသွားပါတယ်။ လက်ရှိအချိန်ထိ ကုန်သွယ်မှု က မရသေးတဲ့အတွက် ဈေးက ကျဆင်းသွားတာဖြစ်ပါတယ်။အိန္ဒိယမှာတော့ မတ်ပဲ ထွက်ရှိမှုက ကျဆင်းသွား တဲ့ အတွက် မြန်မာပြည်က ပဲတွေကို ဝယ်ယူမှုများလာပြီး ဈေးတက်နိုင်တယ်လို့ ကုန်သည်တွေက သုံးသပ်ထား ပါတယ်။ အဲ့ဒီအတွက်လည်း ပဲတွေကို ထုတ်မရောင်းဖို့ တိုက်တွန်းမှုတွေလည်း ရှိနေပါတယ်။  

ရန်ကုန်ဈေးကွက်မှာတော့ မတ်ပဲက တစ်တန်ကို ၉၈၃၀၀၀ နဲ့ သုံးရက် ဆက်တိုက်ဈေးငြိမ်နေပြီး ပြီးခဲ့တဲ့ အပတ် နဲ့ နှိုင်းယှဉ်ရင်တော့ တစ်တန်ကို ၃ သောင်းနီးပါးဈေးကျဆင်းသွားခဲ့ပါတယ်။ မုံရွာဈေးကွက်မှာတော့ တစ်တင်းကို ၃၀၅၀၀ နဲ့ ဈေးငြိမ်နေပါတယ်။ပြည်ကုန်စည်ဒိုင်မှာတော့ တစ်တင်းကို ၃၂၀၀၀ နဲ့ တစ်တင်းကို ၁၀၀၀ ကျပ်ဈေးကျဆင်းသွားပါတယ်။  

ပဲစင်းငုံနီကတော့ ဒီတစ်ပတ်မှာ ဈေးက ကျဆင်းသွားခဲ့ပါတယ်။ ပြည်တွင်းအဝယ်ပုံမှန်ရှိနေပေမယ့် ပြည်ပ အဝယ်မရှိတဲ့အတွက်ဈေးက အတက်အကျ အပြောင်းအလဲ အနည်းငယ်သာရှိပါတယ်။  

ရန်ကုန်ဈေးကွက်မှာတော့ပဲစင်းငုံနီက တစ်တန်ကို ၇၀၀၀၀၀ ကျော်ပေါက်ဈေးရှိပြီးတစ်တန်ကို ၃၅၀၀၀ ကျော် ဈေးကျဆင်းသွားပါတယ်။ မုံရွာကုန်စည်ဒိုင်မှာတော့ တစ်တင်းကို ၂၁၅၀၀ ပေါက်ဈေးရှိပြီး ၅၀၀ ကျပ်ဈေးကျဆင်းသွားပါတယ်.။

မြင်းခြံ ကုန်စည်ဒိုင်မှာလည်း တစ်တင်းကို ၂၁၃၀၀ ပေါက်ဈေးရှိပြီး ၃၀၀ ကျပ်ဈေးကျဆင်းသွားပါတယ်။ ။ပခုက္ကူကုန်စည်ဒိုင်မှာတော့ တစ်တင်းကို ၂၁၇၀၀ ပေါက်ဈေးရှိပြီး ၁၂၀၀ ကျပ်ဈေးကျဆင်းသွားပါတယ်။ ပြည်ကုန်စည်ဒိုင်မှာလည်း တစ်တင်းကို ၂၂၀၀၀ ပေါက်ဈေးရှိပြီး ဈေးအပြောင်းအလဲ မရှိပါဘူး။မန္တ‌ေလးကုန်စ ည်ဒိုင်မှာတော့ သုံးတင်းဝင် တစ်အိတ်ကို ၆၄၀၀၀ ကနေ ၆၅၀၀၀ ပေါက်ဈေးရှိပြီး ၃၀၀၀ ကျပ်ဈေး ကျဆင်းသွားပါတယ်။