(၃၀.၃.၂၀၂၀ မှ ၃.၄.၂၀၂၀)ထိ

ဒီတစ်ပတ်ရန်ကုန်ဝါးတန်းစျေးကွက်မှာတော့ ဆန်စျေးတွေက ငြိမ်ပါတယ်။ ဧရာဝတီတိုင်း မှာတော့ ဆန်စျေး ရောစပါးစျေးရော အများစုက တက်နေပြီး အချို့ ဒေသမှာတော့ ဆန်အသစ်တွေ ပြန်ဝင်လာတဲ့ အတွက် စျေးက တက်လာပါတယ်။ 

မြောင်းမြပေါ်ဆန်းစပါးကတော့ တင်း ၁၀၀ ကို ၈၀၆၀၀၀ ပေါက်စျေးရှိပြီး ၂၁၀၀၀ ကျပ်စျေးတက်ပါတယ်။ ဆန်ကတော့ တစ်အိတ်ကို ၃၈၀၀၀ နဲ့ ၂၀၀၀ ကျပ်စျေးတက်လာပါတယ်။ မြောင်းမြဧည့်မ စပါးကလည်း တင်း ၁၀၀ ကို ၅၈၀၀၀၀ ပေါက်စျေးရှိပြီး ၂၈၀၀၀ ကျပ်စျေးတက်လာပါတယ်။ ဆန်ကတော့ တစ်အိတ်ကို ၂၄၅၀၀ ပေါက်စျေးရှိပြီး တစ်အိတ်ကို ၁၀၀၀ ကျပ် စျေးတက်လာပါတယ်။ 

ဒေးဒရဲပေါ်ဆန်းစပါးကတော့ တင်း ၁၀၀ ကို ၇၉၄၀၀၀ ပေါက်စျေးရှိပြီး တင်း ၁၀၀ ကို ၃၁ ၀၀၀ စျေးတက်လာပါတယ်.။ဆန်ကတော့ကတော့တစ်အိတ်ကို ၃၆၀၀၀ ကျပ်ရှိပြီး ၃၀၀၀ ကျပ် စျေးတက်လာ ပါတယ်။ ဒေးဒရဲ ဧည့်မထ စပါးကတော့ တင်း ၁၀၀ ကို ၅၅၂၀၀၀ ပေါက်စျေးနဲ့ စျေးငြိမ်နေပြီး ဆန်ကတော့ တစ်အိတ်ကို ၂၄၀၀၀ ကျပ် နဲ့ ၂၀၀၀ ကျပ်စျေးတက်လာပါတယ်။ 

ဖျာပုံပေါ်ဆန်းမွှေးစပါးကတော့ တင်း ၁၀၀ ကို ၇၉၆၀၀၀ ပေါက်စျေးရှိပြီး တင်း ၁၀၀ ကို ၃၃၀၀၀ ကျပ်စျေးတက်လာပါတယ်။ ဆန် ကတော့ တစ်အိတ်ကို ၃၇၀၀၀ ပေါက်စျေးရှိကာ ၃၀၀၀ ကျပ်စျေးတက်လာပါတယ်။ ဖျာပုံဧည့်မထ စပါးကတော့ တင်း ၁၀၀ ကို ၅၉၈၀၀၀ ပေါက်စျေးရှိပြီး စျေးငြိမ်ကာ ဆန်ကတော့ တစ်အိတ်ကို ၂၅၀၀၀ နဲ့ ၂၀၀၀ ကျပ်စျေးတက်လာပါတယ်။ 

ပုသိမ်ပေါ်ဆန်းမွှေးစပါးကတော့ တင်း ၁၀၀ ကို ၇၆၉၀၀၀ ပေါက်စျေးရှိပြီး တင်း ၁၀၀ ကို ၂၁၀၀၀ ကျပ်စျေးကျဆင်းသွားပါတယ်။ဆန်ကတော့ တစ်အိတ်ကို ၃၅၀၀၀ ပေါက်စျေးရှိပြီး ၄၀၀၀ ကျပ်စျေးတက်လာပါတယ်။ ပုသိမ်ဧည့်မထစပါးကတော့ တင်း ၁၀၀ ကို ၅၄၁၀၀၀ ပေါက်စျေးရှိပြီး တင်း ၁၀၀ ကို ၃၄၀၀၀ ကျပ်စျေးကျဆင်းသွားပါတယ်။ဧည့်မထ ဆန်ကတော့ တစ်အိတ်ကို ၂၄၀၀၀ ကျပ်ရှိပြီး ၅၀၀ ကျပ်စျေးကျဆင်းသွားပါတယ်။

မတ်ပဲကတော့ ဒီတစ်ပတ် စျေးတက်လာပါတယ်။ ပြီးခဲ့တဲ့ လတွေက မတ်ပဲက တက်နေတဲ့အချိန် ကိုဗစ်ရောဂါကြောင့် ဝယ်ယူတွေလည်း အခြေအနေကြည့် ဝယ်ယူမှုတွေကြောင့် စျေးက ကျဆင်းသွားခဲ့ပါတယ်။ ဒါပေမယ့် မတ်လ နောက်ဆုံးအပတ်မှာတော့ အိန္ဒိယက ပဲဝယ်ယူမှုကို တန်ချိန် ၄ သိန်း ထိ တိုးမြှင့်ဝယ်ယူမယ်ဆိုတဲ့ ထုတ်ပြန်ချက်ကြောင့် စျေးက ပြန်ပြီးတက်လာခဲ့ပါတယ်။

လက်ရှိ တောင်သူတွေ လက်ထဲမှာတော့ ပဲလက်ကျန် လျော့နည်းနေပြီး လှောင်သမားတွေကသာ အများအပြား ဝယ်ယူမှုတွေ ပြုလုပ်နေပါတယ်။ ပဲကုန်သည်ကြီးတွေကတော့ မတ်ပဲက လက်ရှိမှာ စျေးက ထပ်ကျနိုင်ချေ မရှိ တော့ပဲ ဆက်တက်နိုင်မယ်လို့ ခန့်မှန်းထားကြပါတယ်။ အိန္ဒိယက ပိတ်ရက်အတွင်း ပြည်သူတွေကို အရန်ပဲတွေသာ ထုတ်ရောင်းမှုတွေ ရှိတဲ့အတွက် အရန်ပဲလည်း လျော့နည်းနေပြီး ဝယ်ယူမှု တိုးလာနိုင်တယ်လို့ ဆိုထားပါတယ်။ 

ရန်ကုန်စျေးကွက်မှာတော့ ဒီတစ်ပတ် မတ်ပဲ တစ်တန်ကို ၉၇၀၀၀၀ အထိ စျေးမြင့်တက်လာပြီး ပြီးခဲ့တဲ့ အပတ် နဲ့ ယှဉ်ရင် တစ်သိန်းလောက်တက်လာပါတယ်။ မန္တလေးစျေးကွက်မှာတော့ သုံးတင်းဝင် တစ်အိတ်ကို ၉၀၀၀၀ ကနေ ၉၃၀၀၀ ပေါက်စျေးရှိပြီး ၁၂၀၀၀ ကျပ်စျေးတက်လာပါတယ်။ 

ပဲစင်းငုံနီကတော့ ပြီးခဲ့တဲ့ အပတ်က စျေးကျဆင်းခဲ့ပေမယ့် ဒီတစ်ပတ်မှာ အတက်စျေးနဲ့ စျေးပြန်ဖွင်ပါတယ်။ အိန္ဒိယရဲ့လိုအပ်ချက်ကြောင့် ပဲဝယ်ယူမှုကို တန်ချိန် ၄ သိန်းထိ တိးဝယ်ယူမယ့် ထုတ်ပြန်ချက် ကြောင့်စျေးက ပြန်လည် ကောင်းမွန်လာတာလဲ ဖြစ်ပါတယ်။