🌽🌽🌽🌽🌽🌽🌽🌽🌽🌽

⏩ယခု ၂၀၂၃ ခုနှစ်အတွင်း မြန်မာနိုင်ငံမှ ပြောင်းတန်ချိန် ၂သန်းကို ပြည်ပနိုင်ငံများသို့ တင်ပို့ဖို့ရှိတယ်လို့ မြန်မာနိုင်ငံပြောင်းလုပ်ငန်းအသင်းမှ သိရပါသည်။ 

⏩လာမယ့်ဖေဖော်ဝါရီလအတွင်းမှာ ထိုင်းနိုင်ငံသို့ အခွန်ကင်းလွတ်ခွင့်နဲ့ ပြောင်းတွေ စတင်တင်ပို့ဖို့ရှိနေပြီး ထိုင်းကုန်သည်တွေနဲ့ အရောင်းအဝယ်စာချုပ်တွေ ချုပ်ဆိုသွားဖို့ရှိတယ်လို့လည်း သိရပါတယ်။

⏩လက်ရှိ မြန်မာ့ပြောင်းတွေကို ဈေးကွက်အသစ်တိုးချဲ့တင်ပို့ဖို့ လုပ်ဆောင်နေပြီး နယ်စပ်ကုန်သွယ်ရေး လမ်းကြောင်းအပြင် ပင်လယ်ရေကြောင်းမှလည်း တင်ပို့လျက်ရှိကာ တရုတ်၊ အိန္ဒိယ၊ ဖိလစ်ပိုင်၊ ဗီယက်နမ်တို့ကို တင်ပို့နေတာဖြစ်တယ်လို့ သိရပါတယ်။

⏩ပင်လယ်ရေကြောင်းကုန်သွယ်မှုကနေ ဧပြီလမှ ဒီဇင်ဘာလထိကာလအတွင်း ပြောင်းတန်ချိန် ၇၈၀,၀၀၀ ကျော် တင်ပို့ထားတယ်လို့လည်း သိရပါတယ်။

⏩မြန်မာ့ပြောင်းတွေကို တရုတ်နိုင်ငံကို GACC ခွင့်ပြုချက်နဲ့ စတင်တင်ပို့နိုင်ခဲ့ပေမယ့် နယ်စပ်လမ်းကြောင်းက တင်ပို့ခွင့်မရသေးလို့ အကျိုးအမြတ်နည်းနေသေးတယ်လို့ ပြောင်းလုပ်ငန်းရှင်တွေက ဆိုပါတယ်။

⏩နှစ်စဉ် ပြည်တွင်းမှာ ပြောင်းထုတ်လုပ်တဲ့တန်ချိန် ၂ ဒဿမ ၃ သန်းမှ ၂ ဒဿမ ၆ သန်းကြား ထွက်ရှိပြီး ၂၀၂၃ ခုနှစ်အတွင်း ပြောင်းတန်ချိန် ၃သန်းဝန်းကျင်ထိ ထွက်ရှိနိုင်ကာ ပြည်တွင်းသုံးစွဲမှုတန်ချိန် ၁သန်းဝန်းကျင်ရှိတယ်လို့ သိရပါတယ်။

⏩သီးနှံဈေးကွက် နှင့် ကူးသန်းရောင်းဝယ်မှုသတင်းများကို သိရှိနိုင်ပါရန် တင်ပြအပ်ပါသည်။

Sources : Myanmaplatform