menu

ယခုတစ်ပတ် ပြည်ပပို့ကုန် ပဲစင်းငုံနှင့် မတ်ပဲ စျေးနှုန်းတည်ငြိမ်နေ


🫘🥜🫘🥜🫘🥜🫘🥜🫘🥜🫘 

✔️ ပြည်ပပို့ကုန်ပဲအမျိုးအစားဖြစ်သည့် ပဲစင်းငုံနှင့်မတ်ပဲတို့မှာ ဖေဖော်ဝါရီလထဲတွင် စျေးနှုန်းပြောင်းလဲမှုများရှိသော်လည်း ယခုလအတွင်း စျေးနှုန်းတည်ငြိမ်လျက်ရှိကြောင်း ပဲကုန်သည်များထံကသိရသည်။ 

✔️ အိန္ဒိယနိုင်ငံမှ မတ်ပဲအား အခွန်ကင်းလွတ်ခွင့် သက်တမ်းထပ်မံတိုးမြင့်လိုက်ခြင်း၊ ပဲစင်းငုံမှာလည်း အခွန်းကင်းလွတ်ခွင့် နှင့် တင်ပို့ခွင့်သက်တမ်းတိုးထားခြင်းကြောင့် စျေးကွက်တည်ငြိမ်နေလာပြီး စျေးနှုန်းမှာလည်း တည်ငြိမ်လျက်ရှိခြင်းဖြစ်​သည်။ 

✔️ ပြည်ပပို့ကုန်ပဲများစျေးနှုန်းတည်ငြိမ်နေပြီး ပြည်တွင်းသုံးပဲအမျိုးအစားမှာ နယ်ပယ်ပေါင်းစုံ ဝင်ရောက်မှုများရှိလာခြင်းကြောင့် လှောင်လက်များက စောင့်ကြည့်ဝယ်ယူနေကြသဖြင့် စျေးနှုန်းအားဖြင့် အနည်းငယ်အေးလာသည်။

 ✔️ "မတ်ပဲ နဲ့ ပဲစင်းငုံက အဓိကအိန္ဒိယစျေးကွက်ကိုတင်ပို့နေတာဖြစ်ပါတယ်၊ သူတို့က အခုလိုဝယ်ယူမှုသေချာသွားတဲ့အတွက် သိုလှောင်သူတွေက ဝယ်ယူမှုသွက်လက်လာတယ်၊ ဒါကြောင့် စိုက်ပျိုးသူတွေအဆင်ပြေသလို၊ ကုန်သည်တွေလည်းအဆင်ပြေကြပါတယ်" ဟု ပဲကုန်သည်တစ်ဦးကပြောသည်။ 

✔️ မြန်မာနိုင်ငံအတွင်း မတ်ပဲ၊ ပဲစင်းငုံတို့မှာ ရာသီဥတုကြောင့် ပိုးမွှားများအနည်းငယ်ကျဆင်းမှုတို့ကြောင့် အထွက်နှုန်းအနည်းငယ်ထိခိုက်ခဲ့ကြောင်း၊ ထို့အတွက် စျေးနှုန်းအားဖြင့် ယခင်လများထက် ပိုမိုစျေးကောင်းနိုင်ချေရှိကြောင်း ကုန်သည်များကသုံးသပ်ထားသည်။ 

✔️ မတ် (၁၂)ရက်တွင် ပို့ကုန်မတ်ပဲ(အသစ်) တစ်အိတ်လျှင်ငွေကျပ် ၂၈၀,၀၀၀၊ ပဲစင်းငုံမှာသုံးတင်းဝင် တစ်အိတ်လျှင် ငွေကျပ် ၂၇၈,ဝဝဝ ခန့် ပေါက်ဈေးရှိနေသည်။ ပဲတီစိမ်း (အညာ)တစ်အိတ်လျှင် ငွေကျပ် ၂၇၅,ဝဝဝ ပေါက်ဈေးရှိနေသည်။ 

✔️ ပြည်တွင်းသုံး အသစ်ဝင်ကုလားပဲပေါက်စျေးများမှာ ကုလားပဲလုံး V2 ကုလားပဲ - ၅၇.၂၅ ပိဿာ(သစ်) တစ်အိတ်လျှင်ငွေကျပ် ၂၃၀,၀၀၀၊ V7 ကုလားပဲ ၅၇.၂၅ ပိဿာ (သစ်) တစ်အိတ်လျှင်ငွေကျပ် ၂၄၅,၀၀၀၊ ထိုင်ဝမ်ကုလားပဲ ၅၆.၂၅ ပိဿာ (သစ်) တစ်အိတ်လျှင်ငွေကျပ် ၂၁၀,၀၀၀၊929ကုလားပဲ ၅၆.၂၅ ပိဿာ (သစ်)တစ်အိတ်လျှင်ငွေကျပ် ၂၂၃,၀၀၀ အသီးသီးပေါက်စျေးရှိနေသည်။ 

✔️ အသစ်ဝင်ပဲမာလိုင်းများမှာ ပဲလွန်းဖြူ ပိဿာ ၆ဝ တစ်အိတ်လျှင် ငွေကျပ် ၂၄၀,၀၀၀၊ ပဲလွန်းပြာ ပိဿာ ၆၀ တစ်အိတ်လျှင် ငွေကျပ် ၂ဝဝ,ဝဝဝ၊ ပဲကြီးတစ်အိတ်လျှင် ငွေကျပ် ၂၇၅,ဝဝဝ၊ပဲထောပတ်တစ်အိတ်လျှင် ငွေကျပ် ၃၂၀,၀၀၀၊ စားတော်ပဲ(ကနေဒါ) တစ်အိတ်လျှင် ငွေကျပ် ၃၄၅,၀၀၀၊ ကျွန်းစားတော်ပဲတစ်အိတ်လျှင်ငွေကျပ် ၃၆၀,၀၀၀ - ၃၇၀,၀၀၀၊ မြေပဲလုံးဆံတစ်ပိဿာလျှင် ငွေကျပ် ၉,၃၀ဝ - ၉,၅၀ဝ ပေါက်ဈေးအဖြစ် ဈေးရှိနေသည်။ 

✔️ မန္တလေးဈေးကွက်တွင်ပြောင်းဖူး(ဗမာ) ၅၄ ပိဿာတစ်အိတ်လျှင် ငွေကျပ် ၈၃,၀၀၀ - ၈၄,၀၀၀ ပြောင်းဖူး(ရှမ်း) ၅၄ ပိဿာတစ်အိတ်လျှင် ငွေကျပ် ၈၄,၀၀၀ - ၈၅,၀၀၀၊ပြောင်းဖူး(CP) ၅၄ ပိဿာ တစ်အိတ်လျှင် ငွေကျပ် ၈၅,၀၀၀ - ၈၆,၀၀၀၊ အထွက်တိုးပြောင်း(ဖြူ) ၅၃တစ်ပိဿာ တစ်အိတ်လျှင် ငွေကျပ် ၈၃,ဝ၀ဝ အသီးသီး ပေါက်ဈေးရှိနေသည်။ 

Sources : ရွှေမန်း (မကွေးဂျာနယ်)