menu

လယ်ယာလုပ်ငန်းခွင်မှာ ဘေးကင်းစွာဖြင့် “ကိုဗစ် - ၁၉ ရောဂါ” ကာကွယ်ပါ

🔸“ကိုဗစ် - ၁၉ ရောဂါ” သည် ကပ်ရောဂါအသွင်ဖြင့် မြန်မာနိုင်ငံသို့ တတိယလှိုင်းအဖြစ်ဝင်ရောက်နေပါသည်။ ထို့ကြောင့်လယ်ယာလုပ်ငန်းခွင်တွင် စိုက်ပျိုးရေးလုပ်ငန်းများလုပ်ကိုင်နေကြသော တောင်သူဦးကြီးများအတွက် ကိုဗစ်-၁၉ ရောဂါ ကာကွယ်နိုင်ရန် ဂရုပြုလိုက်နာဆောင်ရွက်သင့်သည့် အချက်များကိုတင်ပြအပ်သည်။

☑️လယ်ယာလုပ်ငန်းများလုပ်ကိုင်ရန်လယ်ထဲသို့သွားရာတွင်အိမ်မှထွက်သည်နှင့် Mask (နှာခေါင်းစည်း) ကို ပါးစပ် နှင့် နှာခေါင်း လုံအောင်တပ်ဆင်ပေးပါရန်။

☑️ လက်ကိုမကြာခဏ (စက္ကန့် ၂၀ကြာ) ဆေးကြောပါ။

☑️လယ်ယာလုပ်ငန်းခွင်အတွင်း စိုက်ပျိုးရေးလုပ်ငန်းများလုပ်ဆောင်ရာတွင် တစ်နေရာထဲတွင် လူစုလူဝေးဖြင့်လုပ်ကိုင်ခြင်းမပြုပါနှင့်။ မိမိတို့လုပ်ဆောင်နေသောလုပ်ငန်းများကိုတတ်နိုင်သမျှသီးခြားစီလူခွဲ၍လုပ်ဆောင်ပေးပါရန်။

☑️လုပ်ငန်းနားနေချိန်၊ ထမင်းစားချိန်တို့တွင်လည်း စုဝေးနားနေခြင်း၊ လူစု၍ထမင်းစားခြင်းများ ရှောင်ရှားပေးပါရန်။

☑️လယ်ယာလုပ်ငန်းခွင်မှလုပ်ငန်းများပြီးဆုံး၍ အိမ်ပြန်လျှင်လက်၊ခြေထောက် နှင့် လယ်ယာ လုပ်ငန်းသုံး ပစ္စည်း၊ကိရိယာများကို ဆပ်ပြာ၊ ရေ တို့ဖြင့်ပြောင်စင်အောင် ဆေးကြောပေးပါရန်။

☑️လယ်ကွင်းထဲမှအိမ်သို့ပြန်ရောက်သည်နှင့် ရေချိုးပေးရန်၊ မိမိဝတ်ဆင်ခဲ့သောအဝတ်အစားများကို အသစ်လဲလှယ်ဝတ်ဆင်ပေးပါရန်။

☑️အကြောင်းတစ်စုံတစ်ရာမရှိပါဘဲ လူစုလူဝေးခြင်း၊ တစ်အိမ်နှင့်တစ်အိမ်ကူးသန်းသွားလာခြင်းများ မပြုကြပါရန်။ လုပ်ငန်းများပြီးချိန်တွင်တတ်နိုင်သမျှမိမိအိမ်တွင်သာနေထိုင်ပေးပါရန်။

☑️မိုးရာသီကာလတွင် ရာသီတုပ်ကွေးလည်းဖြစ်တတ်ပါ၍ နေမကောင်းသည့်လက္ခဏာတွေ့သည်နှင့် တတ်ကျွမ်းနားလည်သူများနှင့် ပြသပေးပါရန်။

☑️သတိပြုရန်မှာ သက်ကြီးရွယ်အိုများ၊ အခြားရောဂါအခံရှိသူများ၊ ကလေးငယ်များရှိသော နေအိမ်များတွင် ကျမ္မာရေးအထူးဂရုစိုက်ရပါမည်။

🔶အထက်ဖော်ပြပါအချက်များကို လိုက်နာဆောင်ရွက်ခြင်းဖြင့် ဝိစာရ၏ တောင်သူဦးကြီးများနှင့် မြန်မာပြည်သူပြည်သားအပေါင်း ကိုဗစ်-၁၉ ကပ်ရောဂါဘေးမှ အမြန်ဆုံးကင်းဝေးနိုင်ကြပါစေ။

✅စစ်မှန် ပြည့်ဝ ဝိစာရ✅