🌿🐛🌿🐛🌿🐛🌿🐛🌿🐛🌿

ကျရောက်သည့်အချိန်

-------------------

မိုးနှမ်းစိုက်ခင်းများတွင် မိုးပြတ်သောဇူလိုင်လတွင် ကျရောက်လေ့ရှိပြီး ဆောင်းနှမ်းများရာသီအစောပိုင်းတွင်ကျရောက်တတ်ပါသည်။

ဖျက်ဆီးပုံလက္ခဏာ

-----------------

နှမ်းတစ်မျိုးတည်းတွင်ကျသည်။ နှမ်းသီးတောင့်မပေါ်မီ ဥမှပေါက်လာသောလောက်ကောင်သည် အပင်ထိပ်ရှိ အရွက်နုများကိုစားသည်။ တစ်ခါတစ်ရံ ပင်စည်နှင့်အသီးထဲသို့ထိုးဖောက်စားသည်။ နောက်ဆုံးအဆင့်တွင် ပိုးချည်မျှင်ဖြင့်စုချည်ပြီး အတွင်း၌စားပြီးအသီးအပွင့်များကိုဖျက်ဆီးကြသည်။ ပြင်းထန်စွာကျရောက်ပါက အပင်ထိပ်ရှိအရွက်များ လောင်ကျွမ်းသွားသည်ကိုတွေ့ရှိရသည်။ အသီးပေါ်လာက အသီးထဲတွင် စားသောက်ဖျက်ဆီး၍ အထွက်နှုန်းကိုထိခိုက်နိုင်ပါသည်။

ဘဝစက်ဝန်း

-----------

ဥများကိုတစ်ဥချင်းအုသည်။ အမတစ်ကောင်သည် ဥ(၂၀၀)ခန့် အုနိုင်သည်။ ဥမှပေါက်ပြီး ပိုးလောက်ကောင်မှာ အစတွင်ချည်မျှင်မထုတ်သေးဘဲ အစာစားပြီးမှထုတ်သည်။ လက်ဖြင့်တို့လိုက်ပါက တွဲလောင်းခိုနေတတ်သည်။ ဥဘဝတွင် (၄-၅)ရက်၊ ပိုးလောက်ကောင်ဘဝတွင်(၂-၃)ပတ်၊ ရုပ်ဖုံးဘဝတွင် တစ်ပတ်ခန့်ကြာသည်။

ကာကွယ် နှိမ်နင်းနည်း

--------------------

(၁) ပိုးကျသောအရွက်များကို ဖယ်ရှားမီးရှို့ပစ်ပါ။

(၂) “နှမ်းရွက်လိပ်ပိုး”ကို နှိမ်နင်းနိုင်ရန် အတွက် အကောင်ငယ်ဘဝတွင် “ဆိုင်လာ ၂၅ ဒဗလျူပီ၊ အက်စ်ဖိတ် ၇၅ အက်စ်ပီ” ပိုးသတ်ဆေးများနှင့် အကောင်ကြီးကို “ရယ်ဒီ ၅၀၅အီးစီ၊ လိုင်းအောက် ၄၈၀ အက်စ်စီ၊ သူရိယ ၈၀အက်စ်ပီ” ဆေးများ ပက်ဖျန်းအသုံးပြုပေးနိုင်ပါသည်။

🌿စစ်မှန် ပြည့်ဝ ဝိစာရ🌿

Sources : သီးနှံကာကွယ်ရေးဌာနခွဲ