menu
ကျွန်ုပ်တို့အကြောင်း
ဝိစာရအကြောင်း
အမြော်အမြင် နှင့် ခံယူချက်
ဝန်ထမ်းခေါ်ယူခြင်း
လူမှုအကျိုးပြုလုပ်ငန်း
ထုတ်ကုန်များ
ပေါင်းသတ်ဆေးများ
ရောဂါကာကွယ်ကုသဆေးများ
ပိုးသတ်ဆေးများ
ဟော်မုန်းဆေးများ
ဓာတ်မြေသြဇာများ
ရွက်ဖျန်းအားဆေးများ
စိုက်ပျိုးရေးရာသိကောင်းစရာ
Safe Use
Resources
FAQs
သတင်းများ
ဆောင်းပါးများ
သီးနှံစျေးနှုန်းများ
ဆက်သွယ်ရန်
မြန်မာ
arrow_drop_down
မြန်မာ
English
menu
ကျွန်ုပ်တို့အကြောင်း
ဝိစာရအကြောင်း
အမြော်အမြင် နှင့် ခံယူချက်
ဝန်ထမ်းခေါ်ယူခြင်း
လူမှုအကျိုးပြုလုပ်ငန်း
ထုတ်ကုန်များ
ပေါင်းသတ်ဆေးများ
ရောဂါကာကွယ်ကုသဆေးများ
ပိုးသတ်ဆေးများ
ဟော်မုန်းဆေးများ
ဓာတ်မြေသြဇာများ
ရွက်ဖျန်းအားဆေးများ
စိုက်ပျိုးရေးရာသိကောင်းစရာ
Safe Use
Resources
FAQs
သတင်းများ
ဆောင်းပါးများ
သီးနှံစျေးနှုန်းများ
ဆက်သွယ်ရန်
မြန်မာ
English
“နှမ်းရိုးမည်းရောဂါ” ဂရုပြုကာကွယ်ပါ
🌿🌱🌿🌱🌿🌱🌿🌱🌿🌱🌿
ကျရောက်သည့်အချိန်
-------------------
ရေဝပ်သောမိုးနှမ်းစိုက်ခင်းများတွင် ကျရောက်တတ်ပြီး ဇွန်၊ ဇူလိုင်၊ သြဂုတ်လများမှာ ကျရောက်မှု များလေ့ရှိပါသည်။
ရောဂါလက္ခဏာ
---------------
နှမ်းပင်၏ပင်ခြေပိုင်း၌ အညိုရောင်အနာကွက်ငယ်စတင်ဖြစ်ပေါ်သည်။ ရောဂါပြင်းထန်ပါက ရောဂါရအပိုင်းရှိ တစ်ရှူးသားများညိုမည်းလာပြီး အချို့မှာအနာချိုင့်ဖြစ်လာသည်။ အခေါက်များလည်း ဖွာလန်၍လာသည်။ ထို့ပြင်ယင်းတစ်ရှူးများပေါ်တွင် ခပ်မည်းမည်းအဖုကလေးများဖြစ်ပေါ်လျက် ရှိသည်။ ထိုအချိန်တွင်နှမ်းပင်ခြေရင်းပိုင်းမှာ လုံးဝမဲနက်ပြီးပင်ပေါ်ပိုင်းလည်းအဝါရောင်ပြောင်းကာ ညှိုးစပြုလာသည်။ နောက်ဆုံး၌တစ်ပင်လုံးမဲခြောက်၍သေသွားသည်။ ရောဂါရနှမ်းရိုးကိုထက်ခြမ်း ခွဲကြည့်ပါက မှိုမျှင်စုများတွေ့နိုင်သည်။
ကူးစက်ပျံ့နှံ့ခြင်း
--------------
ရောဂါဖြစ်စေသောမှိုသည် မြေတွင်း၌ကျန်ခဲ့သောအပင်ကြွင်းများပေါ်တွင် ခိုအောင်းနေလေ့ရှိသည်။ နှမ်းပင်ဖြစ်လာချိန်တွင် မြေကြီးအစိုဓာတ်လွန်ကဲချိန်နှင့်ကြုံပါက ပင်ကျန်များပေါ်၌ခိုနေသော မှို၏ တိုက်ခိုက်မှုကိုခံရသည်။ ထို့ပြင်ရောဂါရစိုက်ခင်းများမှ အခြားလယ်ယာသုံးပစ္စည်းကိရိယာများနှင့် ကျွဲ၊နွား၊တိရစ္ဆာန်များ၏ ခြေထောက်များတွင် ကပ်ပါသောမြေကြီးမြေမှုန့်တို့မှတဆင့် တစ်ကွက်မှ တစ်ကွက်သို့ ကူးစက်နိုင်သည်။ ဤရောဂါသည်အပူချိန်(၃၅ - ၃၉)ဒီဂရီစင်တီဂရိတ်အတွင်း ရှိချိန်တွင် ရောဂါပြင်းထန်လေ့ရှိသည်။
ကာကွယ်နှိမ်နင်းနည်း
-------------------
(၁) မိုးနှမ်းစိုက်ခင်းများ အစိုဓာတ်မများစေရန်၊ ရေမဝပ်စေရန်ဆောင်ရွက်ပါ။
(၂) ကြားပေါင်းလိုက်ရာတွင် အပင်များထိခိုက်မှုမရှိစေရပါ။
(၃) သီးလှည့်စနစ်ဖြင့် စိုက်ပါ။
(၄) ရောဂါရပင်ကြွင်းပင်ကျန်များကို မီးရှို့၍လည်းကောင်း (သို့မဟုတ်) မြေမြှုပ်၍ဆွေးမြေ့စေရန် ဆောင်ရွက်ပါ။
(၅) ရောဂါကျရောက်လေ့ရှိသော ရာသီဥတုအခြေအနေရှိသည်နှင့် ဝိစာရ ၏ “ဒိုင်ကိုဇက်၊ ကျူပရိုမက်စ်၊ကာစင်၊ ထီး၊ ဒိုင်ဇီ” စသည့်မှိုရောဂါကာကွယ်နှိမ်နင်းဆေးများကိုရွေးချယ်၍ ကြိုတင်ပက်ဖျန်းကာကွယ်ပေးရပါမည်။
🌿စစ်မှန် ပြည့်ဝ ဝိစာရ🌿
Sources : သီးနှံကာကွယ်ရေးဌာနခွဲ