🔹➖🔹➖🔹➖🔹➖🔹➖🔹

⏩ တရုတ်-မြန်မာနယ်စပ်ကုန်သွယ်ရေးအတွက် အထောက်အကူဖြစ်စေမည့် တရုတ်ယွမ်ငွေနှင့် မြန်မာကျပ်ငွေ တိုက်ရိုက်အသုံးပြုပေးချေ ကုန်သွယ်မှုပြုလုပ်နိုင်ကြောင်း ဒီဇင်ဘာလ(၁၄) ရက်တွင် မြန်မာနိုင်ငံတော်ဗဟိုဘဏ်က ခွင့်ပြုလိုက်ကြောင်း ထုတ်ပြန်သည်။

⏩ တရုတ်-မြန်မာ နှစ်နိုင်ငံကုန်သွယ်မှုကို တိုးမြှင့်နိုင်ရန်နှင့် ကုန်စည်စီးဆင်းမှု မြန်ဆန်ချောမွေ့စေနိုင်ရန်၊ နှစ်နိုင်ငံငွေပေးချေမှုနှင့် စာရင်းရှင်းလင်းမှုစနစ် လွယ်ကူချောမွေ့စေရန်နှင့် ပြည်တွင်းငွေကြေးသုံးစွဲမှုကို တိုးမြှင့်ရန်တို့အတွက်ရည်ရွယ်ပြီး ယွမ်/ကျပ် တိုက်ရိုက်အသုံးပြုပေးချေမှုကို ဆောင်ရွက်ခွင့်ပြုလိုက်ခြင်း ဖြစ်ကြောင်း သိရသည်။

⏩ ယွမ်/ကျပ် တိုက်ရိုက်အသုံးပြုပေးချေမှုကို ဆောင်ရွက်ခွင့်ရသည့်ဘဏ် (Designated Bank) များတွင် နယ်စပ်ကုန်သွယ်မှုဆောင်ရွက်မည့် သွင်းကုန်တင်သွင်းသူများနှင့် ပို့ကုန်တင်ပို့သူများ၏ယွမ်စာရင်း ဖွင့်လှစ်နိုင်ကြမည်ဖြစ်သည်။

⏩ “အခုလို ယွမ်နဲ့တိုက်ရိုက်ပေးချေနိုင်တော့ ပိုပြီးအဆင်ပြေတယ်။ အရင်ကဆို ဒေါ်လာနဲ့သတ်မှတ်ပြီး အခွန်ဆောင်ရတာမျိုးရှိတယ်။ ငွေပေးငွေယူမှာ ပေါက်ဈေးတွက်ချက်မှု ကွာဟချက်တွေရှိတယ်။ အခုလို ယွမ်ငွေနဲ့သတ်မှတ်ရောင်းဝယ်ရတာ ပိုပြီးရှင်းရှင်းလင်းလင်းဖြစ်ပါတယ်။ ဗဟိုဘဏ်က သတ်မှတ်တဲ့ ပေါက်ဈေးနဲ့ပဲ အခွန်ဆောင်တာတွေ လုပ်နိုင်မှာဆိုတော့ ကုန်သည်တွေလည်း ဒီစနစ်ကို ပိုပြီး သဘောတွေ့ကြတယ်” ဟု မူဆယ်မြို့မှ ကုန်သည်တစ်ဦးကပြောသည်။

⏩ မြန်မာနိုင်ငံတော်ဗဟိုဘဏ်သည် ၂၀၁၉ ခုနှစ် ဇန်နဝါရီလတွင် ယွမ်ငွေကို မြန်မာနိုင်ငံ၏ တရားဝင် ပေးချေမှုငွေကြေးအဖြစ် ထည့်သွင်းခဲ့ပြီး ၂၀၂၁ ခုနှစ် အောက်တိုဘာလတွင် မြန်မာနိုင်ငံပြည်တွင်း၌ ယွမ်ငွေတရားဝင်လဲလှယ်ခြင်းကို ခွင့်ပြုခဲ့ကြောင်း သိရသည်။

⏩ တရုတ်-မြန်မာ နှစ်နိုင်ငံနယ်စပ်ကုန်သွယ်မှုတွင် ယွမ်/ကျပ် တိုက်ရိုက်အသုံးပြုပေးချေခွင့်ကို မြန်မာ့စီးပွားရေးဘဏ်နဲ့ ချိတ်ဆက်ပြီး Bank of China - BOC (Hong Kong) ရန်ကုန်ရုံးခွဲနဲ့ Industrial and Commercial Bank of China (ICBO) တို့ကို မြန်မာနိုင်ငံတော်ဗဟိုဘဏ်က ဆောင်ရွက်ခွင့် ရသည့်ဘဏ် (Designated Bank) အဖြစ် ဒီဇင်ဘာလ (၁၅) ရက်နေ့က ရွေးချယ်လိုက်ကြောင်း သိရသည်။

Sources : ရွှေမန်း(The Farmer Media)