🔸တောင်သူဦးကြီးတို့အတွက်စိုက်ပျိုးထုတ်လုပ်မှုများသော မတ်ပဲ၊ ပဲတီစိမ်းခင်းတွေမှာ အဖူးဝင်ခါနီးအရွက်တွေဝါ၊ အသီးအပွင့်တွေ မအောင်မြင်ဘဲဖြစ်ရတဲ့အကြောင်းရင်းကိုတင်ပြဆွေးနွေးပေးပါမယ်။  

🔸ပဲပင်တွေစိုက်ပြီးရင်အဖူးစဝင်ခါနီးမှာ အဖူးအနီးဝန်းကျင်မှာရှိတဲ့ပဲပင်အရွက်တွေဟာအဝါရောင်ဖြစ်ပြီး ကုတ်ကုန်တယ်။ အပင်လည်းမထတော့ဘူး။အဖူးအပွင့်တွေလည်းမအောင်မြင်ဖြစ်တတ်ပါတယ်။ အခုလိုဖြစ်တာ”အဝါရောင်မိုစေ့ဗိုင်းရပ်စ်ရောဂါ”ဖြစ်တာဖြစ်ပါတယ်။ ဒီရောဂါဟာယင်ဖြူကြောင့် ဖြစ်တာပါ။ ယင်ဖြူဟာဗိုင်းရပ်စ်ရောဂါပိုးကိုသယ်လာတာပါ။ ယင်ဖြူအမဟာယင်ဖြူအထီးထက် ဗိုင်းရပ်စ်ပိုးကိုပိုမိုသယ်ယူနိုင်ပါတယ်။ရောဂါရှိတဲ့ယင်ဖြူအမနဲ့ယင်ဖြူအထီးမိတ်လိုက်ပါက ယင်ဖြူအထီးပါဗိုင်းရပ်စ်ရောဂါကူးစက်သွားပါတယ်။  

🔸နေ့အခါမှာယင်ဖြူတွေဟာအပင်ပေါ်အရွက်မှာစုပ်စားပါတယ်။ ညမှာအရွက်အောက်မျက်နှာပြင်မှာ စုဝေးပြီးစုပ်စားပါတယ်။ သူ့ရဲ့ဘဝသက်တမ်းမှာ(၄၆)ရက်ကြာပါတယ်။ ယင်ဖြူတွေဟာအရွက်ကနေ သစ်ရည်အစာစုပ်စားချိန်(၁၀-၃၀)မိနစ်ကြာစုပ်နိုင်ပါတယ်။ စုပ်စားတဲ့မိနစ်ပိုင်းလေးအတွင်းမှာဘဲ ယင်ဖြူရဲ့ခန္ဓာကိုယ်ထဲကဗိုင်းရပ်စ်ပိုးတွေဟာ အရွက်ထဲကိုရောက်ရှိပျံ့နှံ့သွားပါတယ်။ (၁-၂)ရက်ကြာရင် အရွက်တွေစဝါပြီးအနားတွေကုတ်သွားတဲ့လက္ခဏာစပြပါတယ်။အချိန်(၁၂)နာရီကြာသွားရင်ယင်ဖြူရဲ့ခန္ဓာကိုယ်ထဲမှာဗိုင်းရပ်စ်ပိုး(၄-၅)သန်းအထိပွားနိုင်ပါတယ်။ (၄)နာရီမှနာရီ(၂၀)ကြာ ယင်ဖြူခန္ဓာကိုယ်ထဲမှာအောင်းနေနိုင်ပါတယ်။ ရောဂါစကျသည်နှင့်ပြန့်ပွား မှုလည်းအလွန်မြန်ပါတယ်။ ကုသဖို့လည်းခက်ပါတယ်။ ကြိုတင်ကာကွယ်ခြင်းကသာပိုပြီးထိရောက် ပါတယ်။  

🔸ထို့ကြောင့်ပဲပင်သုံးပတ်သားကျော်လျှင် “ကေလာ ၂၅ဒဗလျူဒီဂျီ၊ အေမီဒါ ၂၀ဒဗလျူပီ၊ နိုးဝမ်း ၇၀၀ဒဗလျူပီ” ဆေးများမှတစ်မျိုးမျိုးကိုရွေးချယ်၍ တစ်ပတ်သားတစ်ကြိမ် ကြိုတင်ပက်ဖျန်းကာကွယ် ထားခြင်းဖြင့်ယင်ဖြူများကျရောက်မှုကိုဟန့်တားပေးနိုင်ပြီး ဗိုင်းရပ်စ်ရောဂါလည်းကင်းဝေးသွားမှာ ဖြစ်ပါတော့တယ်။  

🔸စစ်မှန် ပြည့်ဝ ဝိစာရ🔸  

Sources : အောင်ဆန်း (စိုက်ပျိုးရေး)