🌾🍒🌿🌽🍃🌶☘️🥦🌱🍅🍀

✔️သီးနှံစိုက်ပျိုးထုတ်လုပ်ရာတွင် မြေကိုအခြေပြု၍ ထွန်ယက်စိုက်ပျိုးကြရသည်။ သီးနှံနှင့်မြေ ကိုက်ညီမှသာ စိုက်ပျိုးသော အပင်ဖြစ်ထွန်းသည်။ မြန်မာနိုင်ငံတွင် အဓိကမြေကိုခွဲခြားရာ၌ ရှစ်မျိုး ရှိသည်။ နုံးမြေ၊ စနယ်မြေစေး၊ လယ်မြေ၊ ဂဝံမြေ၊ မြေနီသဲဝန်း၊ ဝါညိုတောမြေ၊ နီညိုတောမြေ၊ မြေနီ တို့ဖြစ်ပြီး မြေမျိုးအုပ်စုခွဲခြားရာ၌ တောင်ပေါ်မြေ၊ စနယ်မြေ၊ သဲဝန်းတောခြောက်မြေ၊ လယ်နုံးမြေ၊ မြေနီ နှင့် ဂဝံမြေတို့ဖြစ်သည်။ 

✔️စိုက်ပျိုးမြေအမျိုးအစားများအလိုက် တစ်ဧကအသုံးပြုရမည့်ဓာတ်မြေဩဇာ နှုန်းထားများမှာ ကွာခြားပါမည်။ စိုက်ပျိုးမည့်သီးနှံအမျိုးအစားနှင့် စိုက်ပျိုးမည့်မြေ၏မြေဩဇာလိုအပ်မှုကို ချိန်ဆ အသုံးပြုနိုင်ရန်လိုအပ်ပါသည်။ သီးနှံ နှင့်မြေ၊ သီးနှံ နှင့်ရာသီဥတု၊ သီးနှံနှင့် မျိုးရွေးချယ်မှု မှန်ကန်ရန် အရေးကြီးပါသည်။

✔️စိုက်ပျိုးမည့်မျိုးသည်လည်း အခြေခံအစဖြစ်၍ မြေပြီးလျှင်မျိုးဟုဆိုရမည်။ မျိုးဆိုသည်မှာ “မျိုးစေ့” ကိုစိုက်ပျိုးရန်ဖြစ်သည်။ ယခုအများစုစိုက်ပျိုးနေကြသည်မှာ မျိုးအဖြစ်ခံယူနေကြသော စားသုံးရ မည့်မျိုးဆန်ကို မျိုးစေ့အဖြစ်စိုက်ပျိုးနေကြသဖြင့် နောက်ဆက်တွဲအမှားများစွာ ဆက်တိုက်ဖြစ်ပေါ် လာနေသည်။ အပင်မကြီးခြင်း၊ အသီးအပွင့် မပွင့်သီး၊ ပိုးမွှားနှင့်ရောဂါစုံအောင်ကျပြီး အထွက်နှုန်းပါ ကျဆင်းနိုင်ပြီး ထွက်ရှိလာသောသီးနှံများလည်း အရည်အသွေးစံချိန်မမှီဘဲ ဖြစ်တတ်ပါသည်။ 

✔️ထို့ကြောင့် တောင်သူတို့အတွက် မျိုးစေ့ထုတ်လုပ်ရေး၊ မျိုးကောင်းမျိုးသန့်ပွားများရေးလုပ်ငန်းများကို ကျယ်ကျယ်ပြန့်ပြန့် ဦးစားပေးလုပ်ဆောင်သင့်ပါသည်။ ဌာနခြံများတွင် မျိုးစေ့ရိတ်သိမ်းခြွေလှေ့ နည်းပညာပေး သရုပ်ပြပွဲများပြုလုပ်၍ တောင်သူလယ်သမားများအားပြသရုံသာမက တောင်သူများ ကိုယ်တိုင် သီးနှံမျိုးပွားများမှုများဆောင်ရွက်နိုင်ပါရန် (သို့မဟုတ်) လိုအပ်သော “မျိုးစေ့” ကိုလိုအပ်ချိန်တွင် လုံလောက်စွာဖြန့်ဖြူးပေးနိုင်ရေး ဝိုင်းဝန်းလုပ်ဆောင်ပေးနိုင်ပါရန် အရေးပါလှပါသည်။

Sources : ကိုရဲ (စိုက်ပျိုးရေး)