✅ စပါးသီးနှံကို မြန်မာနိုင်ငံအနှံ့အပြားတွင် ကျယ်ကျယ်ပြန့်ပြန့်စိုက်ပျိုးကြပါသည်။ ရေရရှိမှုအပေါ် မူတည်၍ စိုက်ပျိုးချိန် နှင့် စိုက်ပျိုးရာဒေသများကွဲပြားကြသော်လည်း စိုက်ပျိုးထုတ်လုပ်မှု အများဆုံး သီးနှံဖြစ်သည်။တစ်နည်းအားဖြင့် မိရိုးဖလာ မျိုးရိုးစဉ်ဆက်စိုက်ပျိုးကြသည်လည်းဖြစ်သည်။ သို့ဖြစ်ရာ စပါးသီးနှံကို စနစ်တကျစိုက်ပျိုး၍ အထွက်နှုန်းကောင်းရရှိနိုင်စေရန် “စပါး အထွက်တိုး စိုက်ပျိုးနည်း” စနစ်များကို ရေးသားတင်ပြလိုက်ပါသည်။

စပါးမျိုးရွေးချယ်ခြင်း

-----------------

ရေမြေဒေသနှင့် ကိုက်ညီသည့် အထွက်ကောင်းမျိုးသန့်စပါးကို ရွေးချယ်စိုက်ပျိုးပါ။ (၃)နှစ်တစ်ကြိမ် မျိုးသန့်များနှင့် လဲလှယ်စိုက်ပျိုးပါ။

မြေပြုပြင်ခြင်း

-----------

နွေထယ်ရေးခံခြင်းကို ဆောင်ရွက်ပါ။ ကန်သင်းများကို ကြိုတင်ပြင်ဆင်၍ ကန်သင်းလုံအောင် ဆောင်ရွက်ပေးသင့်ပါသည်။ ထယ်ရေးနက်နက်နှင့် ထွန်ရေးညက်ရန် အရေးကြီးဆုံးဖြစ်သည်။ စိုက်ခင်းမြေမြက်နှာပြင် ညီညာစေရန်လည်းလိုအပ်ပါသည်။ သို့မှသာ ရေထိန်းသိမ်းနိုင်မှု ကောင်းမွန်နိုင်ပါမည်။

ပျိုးထောင်ခြင်း

-----------

စပါးစိုက်ခင်း (၁၀) ဧကစာအတွက် ပျိုးခင်းတစ်ဧကတွင် ပျိုးထောင်ပါ။ ပျိုးခင်းတစ်ဧကတွင် မျိုးစေ့ (၁၅) တင်း ထက်ပို၍ ပျိုးမထောင်သင့်ပါ။ ၎င်းထက်ပိုပါက ပျိုးသေးပျိုးညှင်းများဖြစ်ပြီး ပိုးနှင့်ရောဂါများ ကျရောက်လွယ်ပါသည်။ ပျိုးခင်းများတွင် ပိုးနှင့်ရောဂါများ စတင်ကျရောက်သည်နှင့် အချိန်မှီ ဆေးဖျန်းရန် အရေးကြီးပါသည်။ 

စိုက်ပျိုးနည်းစနစ်

--------------