🍃🍇🐛🍃🍇🐛🍃🍇🐛🍃

➡️စပျစ်သီး စိုက်ပျိုးထုတ်လုပ်သူများအတွက် စပျစ်တွင်ကျရောက်တတ်သောပိုးမွှားများ၊ ပိုးမွှားကျရောက်မှု ကြောင့်ဖြစ်တတ်သောပင်ပြလက္ခဏာများ နှင့် အသုံးပြုကာကွယ်နိုင်သည့်ဆေးများကို စိုက်ပျိုးရေး ဗဟုသုတအဖြစ် ရေးသားတင်ပြအပ်ပါသည်။

ပိုးစေးနဲ/မီလီဂျပိုး

--------------

အရွက်၊ပင်စည်၊ကိုင်း၊အညွှန့်တို့တွင်ကျရောက်ဖျက်ဆီးသည်။သစ်ရည်ကိုစုပ်ယူစားသောက်သောကြောင့် အရွက်များ အရောင်ဖျော့၍ ဝါလာခြင်း၊အပွင့်ကန်းခြင်း၊ အသီးတင်မှုနည်းခြင်းတို့ဖြစ်စေသည်။

အသုံးပြုရမည့်ဆေး- ရော့ကက်၊ အီမာလန်ဒါ၊ရယ်ဒီ။

လှေးပိုး

-----

အရွက်၊ အညွှန့်၊အဖူး၊ အပွင့်များမှ သစ်ရည်ကို စုပ်ယူစားသောက်သဖြင့် အရွက်နှင့်အညွှန့်များမှာ တွန့်လိမ်ရှုံ့တွပြီး အညိုရောင်ပြောင်းသွားသည်။ အပွင့်တွင်ကျပါက အပွင့်ကန်းခြင်းနှင့် အသီးတင် နည်းခြင်းကိုဖြစ်စေသည်။ ထို့ပြင် သီးနုတွင်အဝါကွက်ငယ်များဖြစ်ပေါ်ပြီး အသီးတွင် အမာရွတ်ငယ် များတွေ့ရတတ်သည်။

အသုံးပြုရမည့်ဆေး- အေမီဒါ၊ ဆိုင်လာ၊ ကေလာ၊ ပရိုဆင့်။

မွှားပင့်ကူနီ

---------

အရွက်အောက်မျက်နှာပြင်တွင်နေပြီး ပင်ရည်ကိုစုပ်စားသည်။အရွက်ပေါ်တွင်အဝါစက်များကိုတွေ့ရ မည်။ ပိုးကျရောက်မှုများလျှင် အရွက်များလောင်သကဲ့သို့ ဖြစ်လာတတ်သည်။

အသုံးပြုရမည့်ဆေး- အီမာလန်ဒါ၊ မိုက်အိုကေ၊ မင်းရဲ၊ ရော့ကက်။

ပျပိုး

----

အပင်အစိတ်အပိုင်းအားလုံးတွင်ကျရောက်ပြီး သစ်ရည်ကိုစုပ်စားသဖြင့် အပင်အားနည်းခြင်း၊ အရွက်များ ပုံပျက်ပြီးဗိုင်းရပ်စ်ရောဂါများကူးစက်စေသည်။ ပျပိုးမှ အချိုရည်ထုတ်သဖြင့် အပင်တွင်အစေးများတွေ့ရပြီး ထိုမှကြပ်ခိုးမှိုကျနိုင်သည်။