menu

စပျစ်တွင်ကျရောက်တတ်သော ပိုးမွှားများ နှင့် ကာကွယ်နှိမ်နင်းခြင်း


🍃🍂🐛🍂🍃🍃🍂🐛🍂🍃

🔸စပျစ်သီး စိုက်ပျိုးထုတ်လုပ်သူများအတွက် စပျစ်တွင်ကျရောက်တတ်သောပိုးမွှားများ၊ ပိုးမွှားကျရောက်မှု ကြောင့်ဖြစ်တတ်သောပင်ပြလက္ခဏာများ နှင့် အသုံးပြုကာကွယ်နိုင်သည့်ဆေးများကို စိုက်ပျိုးရေး ဗဟုသုတအဖြစ် ရေးသားတင်ပြအပ်ပါသည်။

ပိုးစေးနဲ/မီလီဂျပိုး
---------------
 အရွက်၊ပင်စည်၊ကိုင်း၊အညွှန့်တို့တွင်ကျရောက်ဖျက်ဆီးသည်။သစ်ရည်ကိုစုပ်ယူစားသောက်သောကြောင့် အရွက်များ အရောင်ဖျော့၍ ဝါလာခြင်း၊အပွင့်ကန်းခြင်း၊ အသီးတင်မှုနည်းခြင်းတို့ဖြစ်စေသည်။ 

 🔸ကာကွယ်နှိမ်နင်းရန် - ရော့ကက်၊ အီမာလန်ဒါ၊ရယ်ဒီ ဆေးတစ်မျိုးမျိုးကို အသုံးပြုနိုင်ပါသည်။ 

လှေးပိုး 
------ 
အရွက်၊ အညွှန့်၊အဖူး၊ အပွင့်များမှ သစ်ရည်ကို စုပ်ယူစားသောက်သဖြင့် အရွက်နှင့်အညွှန့်များမှာ တွန့်လိမ်ရှုံ့တွပြီး အညိုရောင်ပြောင်းသွားသည်။ အပွင့်တွင်ကျပါက အပွင့်ကန်းခြင်းနှင့် အသီးတင် နည်းခြင်းကိုဖြစ်စေသည်။ ထို့ပြင် သီးနုတွင်အဝါကွက်ငယ်များဖြစ်ပေါ်ပြီး အသီးတွင် အမာရွတ်ငယ် များတွေ့ရတတ်သည်။ 

 🔸ကာကွယ်နှိမ်နင်းရန် - အေမီဒါ၊ ဆိုင်လာ၊ ကေလာ၊ ပရိုဆင့် ဆေးတစ်မျိုးမျိုးကို အသုံးပြုနိုင်ပါသည်။ 

မွှားပင့်ကူနီ
----------
အရွက်အောက်မျက်နှာပြင်တွင်နေပြီး ပင်ရည်ကိုစုပ်စားသည်။အရွက်ပေါ်တွင်အဝါစက်များကိုတွေ့ရ မည်။ ပိုးကျရောက်မှုများလျှင် အရွက်များလောင်သကဲ့သို့ ဖြစ်လာတတ်သည်။ 

🔸ကာကွယ်နှိမ်နင်းရန် - အီမာလန်ဒါ၊ မိုက်အိုကေ၊ မင်းရဲ၊ ရော့ကက် ဆေးတစ်မျိုးမျိုးကို အသုံးပြု နိုင်ပါသည်။ 

ပျပိုး 
----
အပင်အစိတ်အပိုင်းအားလုံးတွင်ကျရောက်ပြီး သစ်ရည်ကိုစုပ်စားသဖြင့် အပင်အားနည်းခြင်း၊ အရွက်များ ပုံပျက်ပြီးဗိုင်းရပ်စ်ရောဂါများကူးစက်စေသည်။ ပျပိုးမှ အချိုရည်ထုတ်သဖြင့် အပင်တွင်အစေးများတွေ့ရပြီး ထိုမှကြပ်ခိုးမှိုကျနိုင်သည်။ 

🔸ကာကွယ်နှိမ်နင်းရန် - အေမီဒါ၊ ကေလာ၊ အီမာလန်ဒါ၊ မင်းရဲ ဆေးတစ်မျိုးမျိုးကို အသုံးပြုနိုင်ပါသည်။ 

ယင်ဖြူ 
------ 
အရွက်အောက်မျက်နှာပြင်တွင် အဖြူရောင်မှုန့်များနှင့်အတူ ယင်ဖြူများကိုတွေ့ရမည်။ အုပ်စုလိုက် သစ်ရည်များစုပ်ယူစားသောက်ပြီး ရောဂါများကိုကူးစက်စေသည်။ 

🔸ကာကွယ်နှိမ်နင်းရန် - ကေလာ၊နိုးဝမ်း ဆေးတစ်မျိုးမျိုးကို အသုံးပြုနိုင်ပါသည်။ 

Sources : သီးနှံကာကွယ်ရေးဌာန။