ဓာတ်မြေဩဇာအသုံးပြုခြင်း။ 

----------------------------------

မြေခံအဖြစ် ပတ်ကား ဓာတ်မြေဩဇာ (၁၉ : ၉ : ၁၉) တစ်အိတ်နှုန်းထည့်သွင်းပေးပါ။ ပန်းပွင့်ချိန်တွင် အထွက်တိုးကွန်ပေါင်းမြေဩဇာ (၁၆ : ၁၆ : ၈ + ၁၂ ဆာလ်ဖာ) တစ်အိတ်နှုန်းထည့်သွင်းပါ။ 

မျိုးစေ့၊ ပျိုးပင်များကိုလူးနယ်ဆေးများ လူးနယ်စိုက်ပျိုးခြင်း။ 

------------------------------------------------------------------- 

(၁) သီးနှံမစိုက်ပျိုးမီမျိုးစေ့များကို “ဝိစာရမျိုးစေ့လူးနယ်ဆေး”တစ်မျိုးမျိုးဖြင့် လူးနယ်၍အရိပ်‌အောက် တွင်(၁၀)မိနစ်ခန့်အခြောက်ခံပြီးမှစိုက်ပျိုးပါ။ အမြစ်ထွက်မြန်၊အပင်ပေါက်နှုန်းကောင်း၍ အပင်များသန်မာကြံ့ခိုင်ပြီး၊ မြေအောင်းပိုး စုပ်စားပိုး ၊ ခါးရိရောဂါ၊ အမြစ်ပုပ်၊ပင်စည်ပုပ်၊ ရွက်သေးထိုး၊ အပင်ညှိုးရောဂါများကြိုတင်ကာကွယ်နိုင်ပါသည်။  

( ၂) ပျိုးပင်များကိုမစိုက်မီ ရေ( ၂)ဂါလံတွင် ကာဗာမှိုသတ်ဆေးဟင်းစားဇွန်း (၁)ဇွန်း+ ဂျစ်တူးဆေး တစ်ပြား၏လေးစိပ်တစ်စိပ် ဖျော်စပ်ပြီးပျိုးမြစ်များကို(၁၀)မိနစ်ခန့်စိမ်ပြီးမှစိုက်ပျိုးပါ။ အမြစ်များ သန်မာပြီး ၊အပင်ထအပင်လှန်မြန်ပါသည်။ ကြီးထွားကြံ့ခိုင်အားကောင်း၍ ပိုးမွှားရောဂါဒဏ်ခံနိုင်ရည် ရှိစေပါသည်။  

ရွက်ဖျန်းအားဆေးများ ပက်ဖျန်းခြင်း။ 

------------------------------------------ 

(၁) ပြောင်းရွှေ့စိုက်ပြီး(၇ - ၃၅)ရက် အပင်လှန်ပြီးအချိန်မှပွင့်ဖူးဝင်စအချိန်ထိ ရေ(၄)ဂါလံဝင် ဆေးဖျန်းပုံး တစ်ပုံးလျှင်တာဝါရွက်ဖျန်းအားဆေး ဟင်းစားဇွန်း(၃)ဇွန်း + ဝိစာရကွန်ဘီ ဟင်းစားဇွန်း တစ်ဝက် ရောစပ်၍ (၇)ရက်ခြားတစ်ကြိမ်ပက်ဖျန်းပေးပါ။ အကိုင်းအခက်များကြီးထွား ဝေဆာ၍ အပင်သန်မာ ကြံ့ခိုင်ပြီးအရွက်မှအစာချက်အားကောင်းကာ ပိုးမွှားရောဂါဒဏ်ခံနိုင်ရည်ရှိစေပါသည်။ 

( ၂) ပြောင်းရွှေ့စိုက်ပြီး(၄၅ - ၅၀)ရက် ပွင့်ဖူးစအချိန် ရေ(၄)ဂါလံဝင်ဆေးဖျန်းပုံးတစ်ပုံးလျှင် ခရော့စ် ရွက်ဖျန်းအားဆေး (၃ - ၅)ဇွန်း (သို့မဟုတ်) ဆိုလူဖိဒ်ဂျပ်ဗူး (၅)ဇွန်း + ကယ်လ်စီပလပ်စ် အာဟာရအားဆေး (၂)ဇွန်း ရောစပ်၍ တစ်ကြိမ်ပက်ဖျန်းပေးပါ။ ပန်းပွင့်များပြားခြင်း၊ ဝတ်မှုန်ကူးသန္ဓေအောင်၍ အသီးအပွင့်မကြွေဘဲအသီးတင်အားကောင်းခြင်း၊ အပင်ကြံ့ခိုင်သန်မာပြီး ပိုးမွှားရောဂါဒဏ်ခံနိုင်ရည်ရှိစေပါသည်။ 

( ၃) ပြောင်းရွှေ့စိုက်ပြီး(၅၀ - ၆၀)ရက် ပန်းဖြိုင်ဖြိုင်ပွင့်ချိန် ရေ(၄)ဂါလံဝင်ဆေးဖျန်းပုံးတစ်ပုံးလျှင် ခရော့စ် ရွက်ဖျန်းအားဆေး (၅)ဇွန်း + ကယ်လ်စီပလပ်စ် အာဟာရအားဆေး (၂)ဇွန်း ရောစပ်၍ တစ်ကြိမ်ပက်ဖျန်းပေးပါ။ ဝတ်မှုန်ကူးသန္ဓေအောင်၍ အသီးအပွင့်မကြွေဘဲ အညှာခိုင်၊ အသီးတင်အားကောင်း၊ အပင်ကြီးထွားသန်မာကြံ့ခိုင်၍ ပိုးမွှားရောဂါဒဏ်ခံနိုင်ရည်ရှိစေပါသည်။ 

(၄) ပြောင်းရွှေ့စိုက်ပြီး(၅၀ - ၆၀)ရက် သီးကင်းဝင်စအချိန် ရေ(၄)ဂါလံဝင်ဆေးဖျန်းပုံးတစ်ပုံးလျှင် ဆိုလူဖိဒ်စပါယ်ရှယ်ကေ (၅)ဇွန်း + ရိုက်စ်အပ် (၂)ဇွန်း ရောစပ်၍ တစ်ကြိမ် ပက်ဖျန်းပေးပါ။ အသီးတင်အားကောင်းခြင်း၊ လျှင်မြန်စွာအသီးကြီးထွား၍အလေးချိန်စီးခြင်း၊ အသီးအညှာခိုင်ပြီးပိုးမွှားရောဂါဒဏ်ခံနိုင်ရည်ရှိစေပါသည်။ 

(၅) အသီးခူးဆွတ်ပြီးအချိန်တိုင်း အပွင့်အသီးများအဆက်မပြတ်ဖြိုင်ဖြိုင်အသီးအပွင့်လိုက်လာကာ အကြိမ်များများခူးဆွတ်နိုင်၍ အထွက်နှုန်းအမြင့်ဆုံးရရှိစေရန်အောက်ဖော်ပြပါ အပင်နှင့်အသီး အားဆေးတွဲများကို(၇)ရက်ခြားတစ်ကြိမ်အလှည့်ကျ နှံ့စပ်အောင်ပက်ဖျန်းပေးပါ။

 ☑️ပထမအကြိမ် ..... ဆိုလူဖိဒ်စပါယ်ရှယ်ကေ (၅)ဇွန်း + ရိုက်စ်အပ် (၂)ဇွန်း + ဝိစာရကွန်ဘီဇွန်းတစ်ဝက်။ 

☑️ဒုတိယအကြိမ် ..... ခရော့စ် ရွက်ဖျန်းအားဆေး (၅)ဇွန်း + ကယ်လ်စီပလပ်စ် (၂)ဇွန်း + ဝိစာရကွန်ဘီ ဇွန်းတစ်ဝက်။ 

☑️တတိယအကြိမ် ..... ဆိုလူဖိဒ်စပါယ်ရှယ်ကေ (၅)ဇွန်း + ဒဗလျူတောနစ်(၁) ဇွန်း။ 

အထက်ပါအပင်၊အသီးအားဆေးတွဲများကိုအလှည့်ကျပက်ဖျန်း၍ အာဟာရဓာတ်ဖြည့်ဆည်းပေးခြင်း အားဖြင့် အပင်ကြီးထွားသန်မာ၊ ပွင့်သီးအားကောင်း၊ အသီးအလေးချိန်စီး အသီးအရောင်နှင့်အရည်အသွေးတောက်ပ၍ ကြာရှည်အထားခံပြီး ပုပ်ရိပျက်စီးမှုနည်းပါးကာ အကျိုးအမြတ်အကောင်းဆုံး ရရှိစေနိုင်ပါသည်။ 

 ✔️စစ်မှန် ပြည့်ဝ ဝိစာရ✔️ 

 Credit to Saya U Than Win (Than Win Agri)