🌿🍃🌿🍃🌿🍃🌿🍃🌿🍃🌿

✔ဧရာဝတီတိုင်းဒေသကြီးအတွင်း မတ်ပဲစျေးနှုန်းကောင်းလျှက်ရှိပြီး သုံးပါတ်ဆက်တိုက် စျေးနှုန်း အတက်ဘက်တွင်ရပ်တည်လျှက်ရှိသည်။

✔ယခင်သီတင်းပါတ်ကာလတွင် တစ်တင်းစျေးနှုန်းသည် ကျပ် ၄၃,၀၀၀ အထက်ဖြစ်ပြီး ယခုသီတင်းပတ်တွင် ကျပ် ၄၄,၀၀၀အထက်သို့ရောက်ရှိလာသည်။ ဩဂုတ် ၁၉ ရက်နေ့တွင် တစ်တင်းစျေး ကျပ် ၄၄,၀၀၀၊ ၂၀ ရက်နေ့တွင် ကျပ် ၄၄,၀၀၀၊ ၂၁ရက်နှင့် ၂၂ ရက်နေ့တွင် ကျပ် ၄၄,၂၀၀၊ ၂၃ ရက်နေ့တွင် ၄၄,၈၀၀၊ ၂၄ ရက်နေ့တွင် ကျပ် ၄၄,၇၀၀၊ ၂၅ ရက်နေ့တွင် ကျပ် ၄၄,၄၀၀ အသီးသီးဖြစ်ပါသည်။ 

✔အိန္ဒိယနိုင်ငံပြည်တွင်းပဲခွဲစက်များ အဝယ်လိုက်နေပြီး၊ ပြည်တွင်းမတ်ပဲသစ်အချို့ စျေးကွက်အတွင်းဝင်လာသော်လည်း ပဲစျေးနှုန်းမှာ ဆက်လက်မြင့်တက်နေဆဲဖြစ်သည်။ မြန်မာနိုင်ငံမှ မတ်ပဲ ကွန်တိန်နာများလဲ ချန်နိုင်းဆိပ်ကမ်းသို့ ဝင်ရောက်လျှက်ရှိသည်။

✔မတ်ပဲစျေး တစ်တင်းလျှင်ကျပ် ၄၀,၀၀၀ အထက်ဖြစ်လာသော်လည်း မြန်မာတောင်သူအချို့က စျေးဆက်လက်တက်အလာကိုစောင့်ရောင်းရန် ရည်ရွယ်လျှက်ရှိပြီး မတ်ပဲစျေး ၅၀,၀၀၀ ဝန်းကျင်ထိ မြင့်တက်လာခြင်းမရှိစေရန် အိန္ဒိယကုန်သည်များဘက်မှ ထိန်းသိမ်းဝယ်ယူခြင်းများ ရှိလာနိုင်သည်။

✔အိန္ဒိယနိုင်ငံ၏ ပဲအထွက်နှုန်းသည် ယခင်နှစ်များထက်အနည်းငယ်ပိုမိုလာနိုင်သည်ဟု အစိုးရပိုင်းက ကိန်းဂဏန်းများနှင့်တကွ ထုတ်ပြန်သော်လည်း IGRAIN India ကမူ ယခုနှစ်ပဲအထွက်နှုန်းကျဆင်း နိုင်သည်ဟု သုံးသပ်ထားပါသည်။

✔ဩဂုတ်လကုန်အထိ မတ်ပဲဈေးကွက်အခြေအနေများကို တောင်သူဦးကြီးများသိရှိနိုင်ပါရန် တင်ပြ အပ်ပါသည်။

Credit to : ဧရာကုန်သွယ်မှုဗဟိုဌာန (မြန်မာကုန်သွယ်မှုမြှင့်တင်ရေးအဖွဲ့)