🌿🌱🌿🌱🌿🌱🌿🌱🌿🌱🌿

▶️ဧရာဝတီတိုင်းဒေသကြီးအတွင်း မတ်ပဲစျေးနှုန်းများ အတက်အကျများစွာမရှိပဲ စျေးတန်းတစ်ခုတွင် တည်ငြိမ်လျှက်ရှိသည်။ ပြည်တွင်းငွေကြေးစျေးနှုန်းအတက်အကျနှင့် အိန္ဒိယနိုင်ငံ၏ ပြည်တွင်း ပဲစျေးနှုန်းအပြောင်းအလဲများပေါ်မူတည်၍ စျေးနှုန်းအနည်းငယ်ပြောင်းလဲမှုရှိသည်မှလွဲ၍ အလွန်အမင်းစျေးပြောင်းမှုမရှိကြောင်းတွေ့ရသည်။

▶️တစ်ပတ်အတွင်း ဧရာဝတီတိုင်းဒေသကြီးအတွင်းဖြစ်ပေါ်ခဲ့သော မတ်ပဲစျေးနှုန်းများမှာ နိုဝင်ဘာလ (၂၆) ရက်နေ့တွင် တစ်တင်းလျှင် ကျပ် ၄၆,၂၀၀၊ (၂၇) ရက်နေ့တွင် ကျပ် ၄၇,၀၀၀၊ (၂၈) ရက်နေ့တွင် ကျပ် ၄၆,၂၀၀၊ (၂၉) ရက်နေ့တွင် ကျပ်၄၆,၇၀၀၊ (၃၀) ရက်နေ့တွင် ကျပ် ၄၆,၇၀၀ နှင့် ဒီဇင်ဘာလ (၁) ရက်နေ့တွင် ကျပ် ၄၆,၅၀၀-၄၆,၇၀၀ အသီးသီးဖြစ်သည်။

▶️ယခင်သီတင်းပတ်ကာလများအတွင်း တစ်တင်းစျေးနှုန်း ကျပ် ၄၅,၀၀၀ ဝန်းကျင်သာရှိခဲ့သော်လည်း ယခုနောက်ပိုင်းရက်များအတွင်း တစ်တင်းစျေးနှုန်း ကျပ် ၄၆,၀၀၀ ကျော်တွင်ရပ်တည်နေသည်။ နိုဝင်ဘာ (၂၅) ရက်နေ့ထုတ်ပြန်ချက်အရ ချနိုင်းစျေးကွက်တွင် မတ်ပဲ FAQ စျေးနှုန်း ၅၀ ရူပီးခန့် စျေးတက်လာသည်။ မြန်မာနိုင်ငံအလယ်ပိုင်းဒေသအချို့တွင် မတ်ပဲသစ်များပေါ်နေပြီဖြစ်ပြီး လက်ရှိ မတ်ပဲ FAQ (ဟောင်း)၏ FOB စျေးနှုန်းသည် $795-815 ဖြစ်ပြီး မတ်ပဲအသစ် FAQ ၏ FOB စျေးနှုန်း $ 810-830 ဖြစ်သည်။

▶️အိမ်နီးချင်းနိုင်ငံ၏ ပြည်တွင်းပဲစိုက်ပျိုးမှုအခြေအနေမှာလည်း စိုက်ပျိုးဧရိယာများတိုးချဲ့လာရင်း ထပ်မံတိုးချဲ့ရန်ဧရိယာနည်းပါးလာခြင်း၊ ရာသီဥတုအခြေအနေ၊ ပြည်တွင်းစားသုံးမှုပမာဏ တို့အပေါ်မူတည်၍ ပဲမျိုးစုံလိုအပ်ချက်မြင့်တက်လာနေသည်။ ပဲမျိုးစုံတင်ပို့ရောင်းချနေသည့် ယှဥ်ပြိုင်ဘက်နိုင်ငံများအနေဖြင့်လည်း ဤအချက်ကို အခွင့်အလမ်းတစ်ခုအနေဖြင့် စောင့်ကြည့် လေ့လာလျှက်ရှိသည်။ 

▶️၎င်းအချက်များမှာ မြန်မာပဲစိုက်တောင်သူများအတွက် အလားအလာကောင်းသောအခွင့်အလမ်း တစ်ခုဖြစ်ပြီး မတ်ပဲအပါအဝင် ပဲမျိုးစုံတင်ပို့ရောင်းချမှုတိုးမြှင့်နိုင်ရန်နှင့် ထိုက်သင့်သောစျေးနှုန်း တစ်ခုဖြင့် ပမာဏများများတင်ပို့ရောင်းချနိုင်ရန်လိုအပ်လာပြီဖြစ်ကြောင်း သုံးသပ်ရပါသည်။

▶️မတ်ပဲဈေးကွက်သတင်းများကို သိရှိနိုင်ပါရန် တင်ပြအပ်ပါသည်။

Credit to : ဧရာကုန်သွယ်မှုဗဟိုဌာန 

မြန်မာကုန်သွယ်မှုမြှင့်တင်ရေးအဖွဲ့

1-12-2021