🌾🌾🌾🌾🌾🌾🌾🌾🌾🌾

✔ဧရာဝတီတိုင်းဒေသကြီးအတွင်းရှိမြို့နယ်များတွင်ကောက်စောစပါးများရိတ်သိမ်းနေပြီး အချို့မြို့နယ် များတွင် ရိတ်သိမ်းချွေလှေ့လျက်ရှိသည်။ ဈေးနှုန်းများမှာ မြို့နယ်အလိုက်ကွာခြားမှုရှိနေသည်။ ပုသိမ်ခရိုင် ကျောင်းကုန်းမြို့နယ်တွင်ပေါင်၅၀(၆၈၀၀၀၀/-)၊ ကန်ကြီးထောင့်မြို့နယ်တွင်ပေါင်၅၀ (၇၀၀၀၀၀/-) ဝန်းကျင်ရှိ ဈေးကွက်အနေဖြင့် စက်ပိုင်၊ ကုန်သည်များမှ အနည်းငယ်ဝယ်ယူမှုရှိနေသည်။

✔မြောင်းမြခရိုင်အတွင်းရှိ မြောင်းမြမြို့နယ်တွင်ပေါင်၅၀ဈေးနှုန်း (၇၄၀၀၀၀/- ၇၅၀၀၀၀/-)ရှိသည်။ စပါး ဈေးနှုန်းမြင့်တက်နေသော်လည်း ဆန်ဈေးနှုန်းမှာတည်ငြိမ်နေသည်။ ဆန်စက်များမှ စပါးဝယ်ယူ စုဆောင်းမှုရှိနေသော်လည်း အမြတ်အစွန်းနည်းပါးခြင်း၊ တွက်ခြေမကိုက်ခြင်းကြောင့် ဆန်ကြိတ်ခွဲမှု အနည်းငယ်သာရှိပါသည်။ အိမ်မဲမြို့နယ်၏ ကောက်စောစပါးဈေးနှုန်းမှာ(၇၁၀၀၀၀/-)ရှိနေပါသည်။

✔ဟင်္သာတခရိုင်လေးမျက်နှာမြို့နယ်နှင့် ဇလွန်မြို့နယ်များတွင် ဒေသအခေါ် ကွင်းဈေးပေါင်၅၀ (၇၀၀၀၀၀/-) ဝန်းကျင်ရှိသည်။ ဇလွန်မြို့နယ်တွင် စင်္ကာပူကုန်သည်မှတဆင့် ဆင်းသုခဆန်တန်ချိန် ၃သောင်း ဝယ်ယူကာ အာဖရိကနိုင်ငံသို့တင်ပို့ရန်အတွက် ဝယ်ယူလျက်ရှိနေသည်။

✔ကျိုက်လတ်မြို့နယ်တွင် ရက်၉၀စပါး ပေါင်၅၀ဈေးနှုန်း (၆၇၀၀၀၀/ - ၆၈၀၀၀၀/-) နှင့် ဧည့်မထစပါး ပေါင်၅၀ ဈေးနှုန်း (၆၅၀၀၀၀/-)ရှိပြီး ၊ ဖျာပုံခရိုင်မှထွက်ရှိသော ဆန်များကို တနင်္သာရီတိုင်း မြိတ်မြို့ရှိ ကုန်သည်များမှ ကမ်းရိုးတန်းသင်္ဘောများဖြင့် ပုံမှန်လာရောက် ဝယ်ယူမှုရှိနေသည်။ ကျေးရွာများမှ ကိုယ်ပိုင် စက်လှေများဖြင့် ဆန်များကြိတ်ခွဲ၍ ရန်ကုန်မြို့ရှိကုန်သည်များအား သွားရောက်ရောင်းချမှု အနည်းငယ်ရှိသည်။

✔ဈေးကွက်အခြေအနေမှာ စပါးထွက်ရှိမှုရှိနေသော်လည်း Containerသ‌င်္ဘောတန်ဆာခ မြင့်တက်နေပြီး မြန်မာပြည်မှဆန်စပါးဈေးကွက်မှာ ပြည်ပဈေးကွက်အခြေအနေအရ ဆန်တင်ပို့မှုနည်းပါသောကြောင့် ဆန်စပါးဈေးကွက် တည်ငြိမ်နေပါသည်။

Credit to : ဧရာကုန်သွယ်မှုဗဟိုဌာန

2-12-2021