🌽🌽🌽🌽🌽🌽🌽🌽🌽🌽

➡️ မြဝတီနယ်စပ်ကုန်သွယ်ရေး ပြန်လည်ကောင်းမွန်လာပြီးနောက် ပြောင်းဈေးမြင့်တက်လာသလို ပယ်လယ်ရေကြောင်းမှတင်ပို့မှုတွင် ထိုင်းနိုင်ငံရနောင်းဆိပ်ကမ်းအရောက် ဈေးကောင်းရရှိလာတာကြောင့် ပြည်တွင်းပြောင်းဈေး တစ်ပိဿာလျှင်ငွေကျပ် ၁၀၀ ဈေးမြင့်တက်လာခြင်းဖြစ်ကြောင်း၊ လက်ရှိတွင် ရနောင်းဆိပ်ကမ်းအရောက် ပြောင်းတစ်ကီလိုလျှင် ထိုင်းဘတ်ငွေ ၉.၈ အထိ ဈေးမြင့်လာရာ ရန်ကုန်သီလဝါဆိပ်ကမ်း ပြောင်းပေါက်ဈေး တစ်ပိဿာငွေကျပ် ၁,၁၄၅ ထိ ပေါက်ဈေးဖြစ်လာ ကြောင်း မြန်မာနိုင်ငံပြောင်းစိုက်ပျိုးထုတ်လုပ်ရောင်းဝယ်ယူများအသင်းမှ ဦးတိုးတက်နိုင်က ပြောသည်။

➡️ "ထိုင်းနိုင်ငံက ပြောင်းဝယ်လိုအားများနေတော့ ပြောင်းဈေးကောင်းလာပါတယ်။ အရင်က တစ်ကီလိုဂရမ်ကို ရနောင်းအရောက် ထိုင်းဘတ် ၉ ဘတ် ပေါက်ဈေးဖြင့် ဆက်တိုက်ဈေးမြင့်ပေးဝယ်တာကနေ ၉.၈ ဘတ်ထိ ဈေးမြင့်တက်လာပါတယ်။ ထိုင်းမှာ ဈေးမြင့်တက်လာသလို ပြည်တွင်းပြောင်း ဈေးလည်း ဈေးမြင့်တက်လာပါတယ်။ လက်ရှိမှာ ရနောင်းသို့ သင်္ဘောတင်အလုအယက်တင်နေကြတော့ ပြောင်းဈေးကောင်းနေမှာပါ။ သင်္ဘောတင်ကတော့ မေလကုန်အထိ ကောင်းနေမယ့် အခြေအနေဖြစ်နေပါတယ်။ နိုင်ငံခြားတင်ပို့မှုမှာတော့ ထိုင်းနိုင်ငံကို တင်ပို့တာက ဈေးအကောင်းဆုံးလို့ ပြောလို့ရပါတယ်" ဟု ၎င်းကပြောသည်။

➡️ လက်ရှိအချိန်တွင် ပြောင်းစိုက်ပျိုးရာသီရောက်ရှိလာသော်လည်း ပြည်တွင်းပြောင်းကျန်များနေသေးကြောင်းနှင့် ရှမ်းပြည်နယ်တွင် စိုက်ပျိုးထွက်ရှိသည့် ပြောင်းလက်ကျန် ၂၅ ရာခိုင်နှုန်းခန့်ကျန်ရှိသေးကြောင်းနှင့် လမ်းပန်းဆက်သွယ်မှု အခက်အခဲရှိသည့်ဒေသများတွင် ပြောင်းဈေးကျဆင်းနေသည်။ 

➡️ "ပြည်တွင်းမှာ ပြောင်းလက်ကျန်ကကျန်သေးပေမယ့် ရှမ်းပြည်နယ်ဒေသအချို့မှာ ပြောင်းသယ်ယူဖို့အခက်အခဲရှိသေးလို့ဝယ်ယူလို့မရသေးတာရှိတယ်။ လက်ကျန်က ရှမ်းပြည်နယ်ထွက်ရှိတဲ့ပြောင်း ၂၅ ရာခိုင်နှုန်းလောက် ကျန်ရှိနေပါသေးတယ်။ ရှမ်းပြည်ဒေသတွင်းမှာ ပြောင်းဈေးက တစ်ပိဿာ ဈေး ငွေကျပ် ၆၀၀ခန့်သာ ပေါက်ဈေးရှိနေပါတယ်" ´ဟု ၎င်းကပြောသည်။

➡️ မေ(၁၅)ရက်တွင် ပြည်တွင်းပြောင်းပေါက်ဈေးမှာ ရန်ကုန်(ဆိပ်ကမ်း) တစ်ပိဿာ ငွေကျပ် ၁,၁၄၅၊ မန္တလေး ၅၄ပိဿာ တစ်အိတ်လျှင် ငွေကျပ် ၅၄,၅၀၀ - ၅၅,၀၀၀ ပေါက်ဈေးရှိကြောင်း သိရသည်။

➡️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း (မကွေးဂျာနယ်)