🍓🍓🍓🍓🍓🍓🍓🍓🍓🍓

🔸 ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင်နှစ်စဉ် စိုက်ပျိုးရောင်းချသည့် စတော်ဘယ်ရီသီးများယခုနှစ်တွင် အထွက်နှုန်းကောင်းမွန်ပြီး ယခင်နှစ်က ထက်ဈေးကောင်းပိုမိုရရှိကြောင်းသိရသည်။ စတော်ဘယ်ရီပင်သည် အေးမြသောရာသီဥတုကိုကြိုက်နှစ်သက်ပြီး ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် စိုက်ပျိုးမှုများပြားသည်။

🔸 ဟိုပုံးမြို့နယ်တွင် စတော်ဘယ်ရီသီးကို နှစ်စဉ်စိုက်ပျိုးရောင်းချလျက်ရှိပြီး ယခုနှစ်တွင်အထွက်နှုန်းကောင်းမွန်ပြီး ဈေးကောင်းပိုမိုရရှိသော်လည်း ယခင်နှစ်ကထက် မြေဩဇာနှင့်လုပ်အားခ ကုန်ကျစရိတ်များ ပိုမိုများပြားကြောင်း၊ စတော်ဘယ်ရီသီးအရောင်အဆင်းမှာ အနီ၊ ပန်းရောင်နှင့် အဖြူရောင်များတွေ့ရပြီး အသီးပုံသဏ္ဍာန်မှာ ထုလုံးချွန်ပုံမှ ဘဲဥပုံအထိ အမျိုးမျိုးစိုက်ပျိုးကြကြောင်း၊ ဟိုပုံးမြို့နယ်မှ စတော်ဘယ်ရီသီးကို ဒီဇင်ဘာလတွင် စတင်ထွက်ရှိပြီး ယခုနှစ် ဖေဖော်ဝါရီလတွင် စတော်ဘယ်ရီသီးများ ပိုမိုထွက်ရှိနေပြီးဖြစ်ကြောင်း စတော်ဘယ်ရီစိုက်တောင်သူထံမှသိရသည်။

🔸 စတော်ဘယ်ရီသီးကိုသုံးရက်လျှင်တစ်ကြိမ်ခူးဆွတ်ရပြီး တစ်ကြိမ်ခူးဆွတ်လျှင် တစ်ပိဿာသုံးဆယ်ကျပ်သားဝင်သည့် ရေပုံး(၇၀)ကျော်ခူးဆွတ်ရကြောင်း စတော်ဘယ်ရီ (၃)ဧက စိုက်ပျိုးထားသည့် တောင်သူထံမှသိရသည်။ ယခင်နှစ်တွင် စတော်ဘယ်ရီစတင်ထွက်ရှိချိန်တွင် တစ်ပိဿာသုံး ဆယ်ကျပ်သားဝင်သည့် ရေပုံးတစ်ပုံးလျှင် ကျပ်တစ်သောင်းမှ ကျပ်တစ်သောင်းခွဲအထိ စတင်ရောင်းချရပြီး ယခုနှစ်တွင် စတော်ဘယ်ရီတစ်ပုံးလျှင် ကျပ်သုံးသောင်းအထိရောင်းချရ‌ကြောင်း စတော်ဘယ်ရီစိုက်ပျိုးရောင်းချသူတောင်သူ တစ်ဦးထံမှသိရသည်။

🔸 စတော်ဘယ်ရီပင်ကို ဧပြီလတွင်စတင်ပျိုးထောင်ရပြီး စက်တင်ဘာလ၌စတင်စိုက်ပျိုးရသည်။ စိုက်ပျိုးပြီး (၃)လအကြာ ဒီဇင်ဘာလတွင် စတော်ဘယ်ရီသီးစတင်ထွက်ရှိပြီး ဖေဖော်ဝါရီလတွင် စတော်ဘယ်ရီသီးများလှိုင်လှိုင်ထွက်ရှိကြောင်းသိရသည်။ 

🔸 စတော်ဘယ်ရီပင်ကို မိုးဦးကျတွင်စတင်ပျိုးထားပြီး ပျိုးပင်ပေါက်များကို ဇူလိုင်လမှစ၍ စိုက်ပျိုးကြရာ စတော်ဘယ်ရီသီးများကို ဒီဇင်ဘာလတွင် ခူးဆွတ်ရသည်။ ဟိုပုံးမြို့နယ်တွင် ထိုင်ဝမ် အပျော့၊ ကောမတ်(ခေါ်) အမာသီး၊ ဂျပန်နှင့် မြန်မာမျိုးစပ်ထားတဲ့ ဂျပန်သီးများကို စိုက်ပျိုးမှုများပြားကြောင်းနှင့် ယခုနှစ်စတော်ဘယ်ရီစတင်ထွက်ရှိချိန်တွင် ဈေးကောင်းရရှိကာစတော်ဘယ်ရီစိုက်ပျိုး တောင်သူများစီးပွားရေးအဆင်ပြေလျက်ရှိကြောင်းသိရသည်။

🔸 သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း (မကွေးဂျာနယ်)