🍀☘️🌱☘️🍀🌱🍀☘️🌱☘️🍀

✅ယခုသင်္ကြန်ကာလအလွန် ရန်ကုန် ဘုရင့်နောင်ဈေးကွက်အတွင်း ပထမဆုံးဈေးကွက်ပြန်ဖွင့်တဲ့ ဧပြီ (၁၈) ရက်မှာတော့ မတ်ပဲဈေးတွေဟာ သင်္ကြန်မတိုင်ခင်ကာလကထက် အနည်းငယ်ပိုမြင့်တက်လာတာ တွေ့ရပါတယ်။

✅သင်္ကြန်ပိတ်ရက်မတိုင်ခင် နောက်ဆုံးဈေးကွက်ဖွင့်ခဲ့တဲ့ ဧပြီ (၈) ရက်က ရန်ကုန်မတ်ပဲဈေး (FAQ/RC) ဟာ တစ်တန်ကို ကျပ် ၁,၄၈၀,၀၀၀ ရှိခဲ့ရာကနေ ဒီနေ့မှာတော့ ကျပ် ၁,၀၀၀ ဈေးတက်လာပြီး ၁,၄၈၁,၀၀၀ ဖြစ်လာပါတယ်။

✅သင်္ကြန်မတိုင်ခင်က တစ်တန်ကို ကျပ် ၁,၆၆၀,၀၀၀ ဈေးပေါက်ခဲ့တဲ့ မတ်ပဲ (SQ/RC) ကတော့ ကျပ် ၂၁,၀၀၀ ထိ မြင့်တက်လာပြီး တစ်တန်ကို ၁,၆၈၁,၀၀၀ ထိ ဈေးမြင့်တက်လာပါတယ်။ 

✅ပဲစင်းငုံနီ (အာစီ) ကတော့ ဈေးအနည်းငယ်ကျသွားပြီး သင်္ကြန်မတိုင်ခင်က တစ်တန်ကို ကျပ် ၁,၄၃၀,၀၀၀ ရှိခဲ့ရာကနေ သင်္ကြန်အပြီး ဒီနေ့အဖွင့်မှာတော့ ကျပ် ၇,၅၀၀ ဈေးကျသွားပြီး ကျပ် ၁,၄၂၂,၅၀၀ ဖြစ်သွားပါတယ်။ 

✅အခြားပဲတွေဖြစ်တဲ့ ကုလားပဲ၊ စားတော်ပဲ၊ စွန်တာနီ/ပြာ၊ ထောပတ်ပဲ၊ ပဲကြီး၊ ပဲတီစိမ်း စတဲ့ ပဲတွေ ကတော့ ဈေးအတက်အကျ မရှိသလောက်ဖြစ်ပြီး အများစုက သင်္ကြန်မတိုင်ခင်ကဈေးနှုန်းတွေ အတိုင်းသာ ရှိနေတာဖြစ်ပါတယ်။

✅သင်္ကြန်မတိုင်ခင် တစ်ပတ်လောက်ကတော့ ဗဟိုဘဏ်က နိုင်ငံခြားသုံးငွေကြေးနဲ့ပတ်သက်ပြီး ပြောင်းလဲလိုက်တဲ့မူဝါဒတွေကြောင့် ပဲတင်ပို့သူတွေကြား ရိုက်ခတ်မှုတွေရှိခဲ့ပြီး မတ်ပဲဈေးကလည်း တစ်တန်ကို ၁ သိန်းနီးပါးအထိဈေးကျဆင်းသွားခဲ့ပါတယ်။ 

✅ဒါပေမယ့် အိန္ဒိယက ပဲလိုအပ်ချက်ရှိနေပြီး ပြည်တွင်းမတ်ပဲက ထွက်ရှိမှုနှုန်းလျော့မယ်ဆိုတဲ့ သတင်းတွေကြောင့် ရက်ပိုင်းအတွင်း ပြန်တက်လာခဲ့ပြီး သင်္ကြန်ရုံးပိတ်ရက်မတိုင်ခင် ဧပြီ (၈)ရက် မှာတော့ ယခင်ဈေးနှုန်းထိ ပြန်ရောက်ခဲ့ကာ သင်္ကြန်အပြီးမှာတော့ အနည်းငယ်ထပ်တက်လာခဲ့တာ ဖြစ်ပါတယ်။ 

✅သီးနှံဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : AMIA Market News