🌱🌱🌱🌱🌱🌱🌱🌱🌱🌱

➡️ ကြံတစ်တန်ဈေးနှုန်း စက်ရုံအရောက် ငွေကျပ် ၁၅၀,၀၀၀ အထိ စံချိန်တင်စျေးဖြင့် ရွှေညောင် မြဘုရင်သကြားစက်က ထပ်မံတိုးမြှင့်ပေးလာကြောင်းသိရသည်။

➡️ မြန်မာနိုင်ငံ၊ သကြားနှင့်ကြံထွက်ပစ္စည်းလုပ်ငန်းရှင်များအသင်းက ပြည်တွင်း သကြားစက်များမှ ကြံတစ်တန် ငွေကျပ် ၁၁၀,၀၀၀ မှ ၁၃၀,၀၀၀ ကြား အခြေခံဈေးထားပြီး တောင်သူများထံမှဝယ်ယူရန် ညှိနှိုင်းတောင်းဆိုမှုကြောင့် ကြံတစ်တန် ငွေကျပ် ၁၃၀,၀၀၀ အထိ ထပ်မံတိုးမြှင့်ဝယ်ယူမည်ဖြစ်သည်။

➡️ ကြံရာသီနီးလာတာကြောင့် သကြားစက်ရုံများက နယ်မြေအလိုက် ကြံတစ်တန်ဈေးတိုးမြှင့်ပေးဝယ် လာရာ ၂၀၂၃- ၂၀၂၄ရာသီအတွက် ကြံတစ်တန်လျှင် စက်ရုံအရောက် ငွေကျပ် ၁၃၀,၀၀၀ အထိ တတိယအကြိမ် ထပ်မံတိုးမြှင့်ဝယ်ယူလာခြင်းဖြစ်သည်။

➡️ ၂၀၂၃-၂၀၂၄ ကြံစိုက်ပျိုးရာသီတွင် စက်တင်ဘာလအတွင်းက ကြံတစ်တန် ငွေကျပ် ၁၁၀,၀၀၀၊ အောက်တိုဘာလတွင် ၁၂၀,၀၀၀၊ နိုဝင်ဘာလဆန်းပိုင်းတွင် ၁၃၀,၀၀၀ အထိ တိုးမြှင့်ဝယ်ယူမည်ဖြစ်ပြီး ရွှေညောင် မြဘုရင်သကြားစက် က ကြံတစ်တန် ငွေကျပ် ၁၅၀,၀၀၀ အထိ စံချိန်တင်အမြင့်ဆုံးဈေးဖြင့် ဝယ်ယူမည်ဖြစ်ကြောင်း နိုဝင်ဘာ(၂)ရက်က ကြေငြာချက်ထုတ်ပြန်ထားသည်။

➡️ လက်ရှိ ပြည်တွင်းသကြားဈေးမှာ နိုဝင်ဘာလဆန်းပိုင်းတွင် တစ်ပိဿာလျှင် ငွေကျပ် ၃,၆၀၀ ဝန်းကျင်ခန့် ပေါက်ဈေးရှိနေပြီး ပြည်တွင်းသကြားဈေးမှာအနည်းငယ်ကျဆင်းသွားသည်။ ကြံစိုက်တောင်သူများအနေဖြင့် သွင်းအားစု၊ လုပ်သားစရိတ်၊ စက်သုံးဆီဈေး၊ မြေဩဇာဈေးများ မြင့်တက်နေတာနှင့် စိုက်ပျိုးစရိတ်မြင့်မားလာတာကြောင့် ကြံတစ်တန်ဈေး ငွေကျပ် ၁၅၀,၀၀၀ မှာ သင့်တင့်မျှတသည့်ဈေးနှုန်းဖြစ်ကြောင်း ကြံတောင်သူ ဦးချိုတူး က ပြောသည်။

➡️ “လုပ်သားစရိတ်၊ စက်သုံးဆီဈေးတွေ၊ မြေဆီဈေးတွေ တစ်နှစ်ထက်တစ်နှစ် ဈေးမြင့်လာတာဖြစ်လို့ စိုက်ပျိုးစရိတ်လည်း မြင့်တက်လာပါတယ်။ ကြံတစ်တန်ဈေးက ငွေကျပ် ၁၅၀,၀၀၀ ဆိုတာ လက်ရှိသကြားပေါက်ဈေးဖြင့်တွက်ချက်လျှင် သင့်တင့်မျှတသည့် ဈေးဖြစ်ပါတယ်” ဟု ၎င်းက ပြောသည်။

➡️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း(မကွေးဂျာနယ်)