🧅🧅🧅🧅🧅🧅🧅🧅🧅🧅

✔️ ယခုလာမည့် ၂၀၂၃-၂၀၂၄ ဘဏ္ဍာနှစ်မှာ ပြည်ပကို ကြက်သွန်နီတန်ချိန် တစ်သိန်း တင်ပို့ရောင်းချ သွားမှာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှု မြှင့်တင်ရေးအဖွဲ့ကနေ သိရပါတယ်။

✔️ အဲဒီလိုတင်ပို့ရာမှာ ဘဏ္ဍာနှစ်ရဲ့ ပထမသုံးလဖြစ်တဲ့ ၂၀၂၃ ခုနှစ် ဧပြီလကနေ ဇွန်လအထိ တန်ချိန် ၃၀,၀၀၀၊ ဒုတိယသုံးလဖြစ်တဲ့ ဇူလိုင်လကနေ စက်တင်ဘာလအထိ တန်ချိန် ၁၅,၀၀၀၊ တတိယ သုံးလဖြစ်တဲ့ အောက်တိုဘာလကနေ ဒီဇင်ဘာလအထိ တန်ချိန်၂၀,၀၀၀၊ ဘဏ္ဍာနှစ်ရဲ့ နောက်ဆုံး သုံးလဖြစ်တဲ့ ၂၀၂၄ ခုနှစ် ဇန်နဝါရီလကနေ မတ်လအထိ တန်ချိန် ၃၅,၀၀၀ တင်ပို့ရောင်းချသွားမှာ ဖြစ်တယ်လို့ ဆိုပါတယ်။

✔️ မြန်မာနိုင်ငံမှာ နှစ်စဉ်ကြက်သွန်နီတန်ချိန် တစ်သန်းကျော်အထိ ထွက်ရှိနေပြီး ပြည်တွင်းဈေးကွက် အပြင် ပြည်ပဈေးကွက်တွေဖြစ်တဲ့ တရုတ်၊ ထိုင်း၊ မလေးရှား၊ စင်ကာပူ၊ ဘင်္ဂလားဒေ့ရှ်၊ ဗီယက်နမ်နဲ့ အမေရိကန် နိုင်ငံတွေကို အများဆုံးတင်ပို့ရောင်းချနေတာပါ။ အခုဘဏ္ဍာနှစ်အတွင်းမှာ ပြည်ပကို ကြက်သွန်နီတန်ချိန် ရှစ်သောင်းကျော် တင်ပို့ရောင်းချပြီးဖြစ်တယ်လို့ သိရပါတယ်။

✔️ ကြက်သွန်သီးနှံ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : One News Myanmar