🫘🫘🫘🫘🫘🫘🫘🫘🫘🫘

↗️ တရုတ်နှစ်သစ်ကူးနီးလာတာကြောင့် ပဲတီစိမ်းနှင့်အတူ နှမ်းမျိုးစုံ၊ မြေပဲဆံတို့ အနည်းငယ်ဈေးမြင့်တက်လာခဲ့သည်။

↗️ မန္တလေးကုန်စည်ဒိုင်ဈေးကွက်တွင် တရုတ်နှစ်သစ်ကူးကာလနီးလာတာကြောင့် တရုတ် ကုန်သည်များ အဝယ်လိုက်လာသည့် ပဲအမျိုးအစားများတွင် ပဲတီစိမ်း၊ မြေထောက်ပဲ၊ ပဲကြီး၊ ပဲထောပတ်၊ ပဲဇီးကွက်နှင့် နှမ်းနက်၊ မြေပဲဆံတို့မှာ ဇန်နဝါရီလကုန်ပိုင်းရက်များတွင် ဈေးမြင့်တက်လာကြောင်း ပဲကုန်သည်တစ်ဦးက ပြောသည်။

↗️ တရုတ်နိုင်ငံအပါအဝင် ဥရောပနိုင်ငံတွေကို ပဲတီစိမ်းတင်ပို့မှုရှိသည့်အပြင် ပဲသစ်တွေလည်း ပေါ်နေတာကြောင့် မန္တလေးပဲဈေးကွက်က မြင့်တက်လာခြင်းဖြစ်သည်။

↗️ ရန်ကုန်ဈေးကွက်တွင် ပဲတီစိမ်း(ခရမ်းရွှေဝါ)ထိပ်စ သုံးတင်းဝင်တစ်အိတ်လျှင် ငွေကျပ် ၂၁၄,၀၀၀ ကျော် ပေါက်ဈေးရှိပြီး ပဲတီစိမ်းအညာမှာ သုံးတင်းဝင်တစ်အိတ်လျှင် ငွေကျပ် ၁၉၀,၀၀၀ ပေါက်ဈေးရှိပြီး ရက်ပိုင်းအတွင်း တစ်အိတ်လျှင် ငွေကျပ် ၅,၀၀၀ ခန့် ဈေးမြင့်တက်လာကြောင်း သိရသည်။

↗️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။

Sources : ရွှေမန်း (မကွေးဂျာနယ်)