🫘🫘🫘🫘🫘🫘🫘🫘🫘🫘

➡️ ယခုနှစ် ပြည်တွင်းပဲစိုက်ပျိုးချိန် မိုးလေဝသမမှန်ခြင်းနှင့် နယ်မြေအခြေအနေများကြောင့် ပဲစိုက် ဒေသများ ရာနှုန်းပြည့်မစိုက်ပျိုးနိုင်ခြင်းကြောင့် ပြည်ပသို့ပဲတင်ပို့မှုကျဆင်းခဲ့ကြောင်း သိရသည်။

➡️ အိန္ဒိယနိုင်ငံသို့ ပဲတင်သွင်းခွင့်ကို အခွန်ကင်းလွတ်ခွင့်ပေးထားပြီး ပို့ကုန် မတ်ပဲပေါက်ဈေးမှာ တစ်တန်လျှင် ဒေါ်လာ ၉၀၀ ကျော်၊ ပဲစင်းငုံမှာ တစ်တန်လျှင် ဒေါ်လာ ၁,၀၀၀ ကျော် အထိ ပေါက်ဈေးရှိလာသော်လည်း ပြည်တွင်းပဲအထွက်နှုန်းကျဆင်းမှုရှိသောကြောင့် တင်သွင်းမှုလျော့ ကျခဲ့ခြင်းဖြစ်သည်။

➡️ (၂၀၂၂ - ၂၀၂၃)ဘဏ္ဍာနှစ်တွင် ၂၀၂၂ ခုနှစ် ဧပြီလ (၁)ရက်မှ မတ်လ (၁၇)ရက်အထိ ပင်လယ် ရေကြောင်းမှတစ်ဆင့် ပဲမျိုးစုံ တန်ချိန် ၁ ဒဿမ ၅ သန်းကျော် တင်ပို့ထားကြောင်း သိရသည်။

➡️ အိန္ဒိယနိုင်ငံတွင် ပဲအထွက်နှုန်း ကျဆင်းကာ လိုအပ်ချက်ရှိနေသည့်အပြင် ပြည်တွင်းတွင်လည်း ပဲအထွက်နှုန်းကျဆင်းနေတာကြောင့် သင်္ကြန်ကာလအပြီး ပဲအရောင်းအဝယ်မှာ ဈေးနှုန်းမြင့် တက်လာကြောင်း သိရသည်။

➡️ သင်္ကြန်မတိုင်မီက မတ်ပဲတစ်တန်လျှင် ငွေကျပ် ၂,၀၅၀,၀၀၀ ရှိခဲ့ရာမှ လက်ရှိအချိန်တွင် တစ်တန်လျှင် ငွေကျပ် ၂,၀၆၀,၀၀၀၊ ပဲစင်းငုံ တစ်တန်လျှင် ငွေကျပ် ၂၄ သိန်း အထိ ပေါက်ဈေးမြင့်တက်လာသည်။

➡️ ပြည်ပပို့ကုန်ပဲများမှာ ပြည်တွင်းငွေဈေး အပြောင်းအလဲမရှိတာကြောင့် ဈေးသိသိသာသာ မြင့်တက်ခြင်း မဟုတ်သော်လည်း မတ်လပိုင်းမှစတင်ပြီး တဖြည်းဖြည်းမြင့်တက်လာခြင်းဖြစ်ကြောင်း သိရသည်။

➡️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း