🥜🥜🥜🥜🥜🥜🥜🥜🥜🥜

✔️ ပြည်တွင်းစားသုံးသူဈေးကွက်တွင် ပြီးခဲ့သည့်ဩဂုတ်လနောက်ဆုံးပတ်မှစတင်၍ မြေပဲဆန်ဈေးများကျဆင်းလာခြင်းနှင့်အတူ မြေပဲဆီစစ်စစ်ဈေးနှုန်းများကျဆင်းလာပြီး အကျဘက်သို့ဦးတည်နိုင်ကြောင်း မြေပဲဆီစစ်စစ်ရောင်းချသည့် ဆီစက်ပိုင်တစ်ဦးကပြောသည်။

✔️ "အခုချိန်မှာ ပြည်တွင်းဒေသအသီးသီးက မြေပဲအထွက်များလာပြီ။ ဈေးကွက်မှာ မြေပဲဆန်ဈေးကျလာတော့ သစ်သားကြိတ်ဆုံနဲ့ ကြိတ်ရောင်းတဲ့ မြေပဲဆီစစ်စစ်လည်း ဈေးချပေးပါတယ်။ ကျနော်တို့အနေနဲ့က မြေပဲဆန်ဈေးကျရင် ဆီဈေးချပေးတယ်။ အခြား အရောအနှောဆီတွေကတော့ သူတို့ဈေးနဲ့သူတို့ရောင်းကြမှာပါ" ´ဟု ၎င်းကပြောသည်။

✔️ ကြိတ်ဆုံဖြင့်ကြိတ်သည့် မြေပဲဆီစစ်စစ်လက်ရှိပေါက်ဈေးမှာ တစ်ပိဿာ ငွေကျပ် ၁၄,၀၀၀ ဖြစ်ရာ ငွေကျပ်တစ်ထောင်ဝန်းကျင် ဈေးကျဆင်းခဲ့ကြောင်း၊ အချို့ဆီစက်များက မြေပဲဆီစစ်စစ် တစ်ပိဿာ ငွေကျပ် ၁၅,၀၀၀-၁၆,၀၀၀ ဝန်းကျင်ရောင်းချပြီး ရောနှောဆီများမှာ တစ်ပိဿာငွေကျပ် ၁၂,၀၀၀-၁၃,၀၀၀ ဝန်းကျင်ပေါက်ဈေးရှိသည်။

✔️ "မြေပဲဆန်က လာမယ့်လတွေမှာ ဒီထက်ပိုပြီးဒေသအစုံထွက်တော့မှာဖြစ်သလို တရုတ်ကလည်း ဝယ်လိုအားမရှိသေးတော့ မြေပဲဆန်ဈေး အကျဘက်ရောက်နိုင်တယ်။ မြေပဲဆန်ဈေး တစ်ပိဿာ ငွေကျပ် ၇,၈၀၀လောက်တုန်းက ပဲဆီစစ်စစ်တစ်ပိဿာ ၁၆,၀၀၀ ဝန်းကျင်နဲ့ရောင်းတယ်။ ပဲဆန်ဈေးအတက်အကျပေါ်မူတည်ပြီး ဈေးအပြောင်းအလဲရှိတယ်" ´ဟု ဆက်လက်ပြောကြားသည်။

✔️ လက်ရှိမြေပဲဆန်ဈေးနှုန်းများမှာ မြေပဲလုံးဆန် S1တစ်ပိဿာ ငွေကျပ် ၆,၈၀၀-၇,၀၀၀ ၊ S1 ဆီဆန် ငွေကျပ် ၆,၃၀၀-၆,၅၀၀၊ ပင်ပြန့်လုံးဆန်အဟောင်း ငွေကျပ် ၇,၁၀၀-၇,၄၀၀ ပေါက်ဈေးရှိကြောင်း၊ ယခင်လကုန်ပိုင်းနှင့် နှိုင်းယှဉ်ပါက တစ်ပိဿာငွေကျပ် ၅၀၀ ဝန်းကျင် ဈေးကျဆင်းခဲ့ကြောင်း သိရသည်။

✔️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း(မကွေးဂျာနယ်)