🌿🌿🌿🌿🌿🌿🌿🌿🌿🌿

✅ပြည်တွင်း၌ နှမ်းလက်ကျန်နည်းလာသည့်အပြင် အရည်သွေးကောင်းသောနှမ်း ရှားပါးလာသည့်အတွက် နှမ်းတွေ စျေးပြန်ကောင်းလာကြောင်း ကုန်သည်များထံမှ သိရသည်။ လက်ရှိ နှမ်းစျေးကွက်တွင် အက်စစ်အောင်သည့်နှမ်းများသာ အဓိကထား အရောင်းအဝယ်ဖြစ်နေပြီး အက်စစ်အောင်သည့် နှမ်းမှာလည်း လက်ရှိစျေးကွက်တွင်ရှားနေကြောင်း နှမ်းစျေးကွက်မှသိရသည်။ 

✅“တရုတ်က ပြန်ဖွင့်ပြီဆိုတော့ နယ်စပ်ကလဲပို့တယ် ပင်လယ်ရေကြောင်းကလဲ ပို့တယ်။ ဂျပန်လည်းပို့နေတယ်ဆိုတော့ ပြည်တွင်းစိုက်နိုင်တဲ့ အနေအထားနဲ့ ပြည်ပMarket နဲ့ မမျှဘူး စိုက်နိုင်တာ နည်းတယ်။ လက်ကျန်နည်းနေတော့ လိုချင်တာမရသလိုဖြစ်နေတယ်။ တောင်သူတွေ စိုက်ကြပေမဲ့ ရာသီဉတုအနေအထားရော အခြားအခြေအနေများကြောင့်ပါ ကယားဘက်ကစိုက်တဲ့ နှမ်းတွေဆို စျေးကွက်ထဲမသယ်နိုင်ကြဘူး။ မရောက်လာကြဘူး။ လိုအပ်သလောက်မရတော့ စျေးကတက်နေတာပေါ့” ဟု နှမ်းexporter တစ်ဦးကပြောသည်။ 

✅လက်ရှိ ၄၅ပိဿာဝင် တစ်အိတ်လျှင် အောင်လံစျေး ၂သိန်း၉သောင်း ရှိပြီး မန္တလေးစျေး သုံးသိန်းခန့်ရှိ၍ အရည်အသွေး၊ အချိန်နှင့်နေရာကို လိုက်၍ စျေးနှုန်းများပြောင်းလဲနိုင်ကြောင်းလည်း ကုန်သည်များက ပြောသည်။ လက်ရှိစျေးမှာ ပြီးခဲ့သည့်နှစ်များနှင့်ယှဉ်ရင် ထက်ဝက်ခန့် မြင့်တက်နေပြီး အရည်အသွေးမှီ နှမ်းထွက်သည့် တောင်သူများအနေဖြင့် တွက်ခြေကိုက်နိုင်သော်လည်း သွင်းအားစုများ ဈေးမြင့်တက်မှု ကြောင့် သွင်းအားစုများလျှော့ချစိုက်ပျိုးမှုများက ပြည်ပတင်ပို့ရန် အရေးအသွေးမှီသည့် နှမ်းများ မရရှိကြောင်းသိရသည်။

✅ထို့အပြင် တရုတ်နိုင်ငံမှနှမ်းနက်များအား အဝယ်လိုက်နေ၍ စျေးကွက်တွင် ဝယ်လိုအားများပြီး စျေး မြင့်တက်လာခြင်းဖြစ်ကြောင်း နှမ်းကုန်သည်များက သုံးသပ်ကြသည်။ “ကြားထဲမှာတော့ နှမ်းတစ်မျိုး ထွက်ဖို့တော့ရှိတယ်၊ နွေနှမ်းပေါ်အုံးမယ်။ စျေးကျတာက အက်စစ်မအောင်တဲ့နှမ်းတွေကျတာပါ။ သူတို့က နှစ်သိန်း၆သောင်းလောက်ပဲရှိတယ်” ဟု အောင်လံကုန်စည်ဒိုင် မှ ဦးအောင်မိုး ကပြောသည်။ ပင်လယ်ရေကြောင်းမှတင်ပို့ရာတွင် ကုန်ကျစရိတ်ပိုမိုများသော်လည်း သင်္ဘောရှာကာငှားရာတွင် အခက်ခဲများသိပ်မရှိတော့ကြောင်း Exporter များက ဆိုသည်။ 

✅နောက်ပိုင်းတွင်လည်း တရုတ်က လိုအပ်ချက်များနေပြီး တခြားနိုင်ငံများတွင်လည်း နှမ်းအဝင် နည်းသောကြောင့် နှမ်းစျေးကွက်မအေးနိုင်ကြောင်း၊ စျေးနှုန်းထပ်မံမြင့်ကာ စျေးကောင်းရနိုင်ကြောင်း Exporters များက သုံသပ်ပြောဆိုသည်။ ပြည်တွင်းတွင် ပုံမှန်နှမ်းထွက်ရှိမှုနှုန်းမှာ တစ်နှစ်လျှင် တန်ချိန် ၆သိန်းမှ ၈သိန်းထိ ထွက်လေ့ရှိပြီး နိုင်ငံရေးအခြေအနေများ နှင့် ရာသီဥတုဖောက်ပြန်မှုကြောင့် ထွက်နှုန်းလည်းလျော့နည်းလျက်ရှိကြောင်းသိရသည်။

✅မြန်မာ့နှမ်းကို တရုတ်၊ ကိုရီးယား၊ ဂျပန်၊ စင်ကာပူနှင့် ထိုင်ဝမ်တို့ကိုလည်း တင်ပို့လေ့ရှိပြီး တရုတ်နိုင်ငံ တခုတည်းသာအားထားတင်ပို့နေရကြောင်း သိရသည်။ မြန်မာနိုင်ငံတွင် နှမ်းကို ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မွန်ပြည်နယ်တို့တွင် အများအပြား စိုက်ပျိုးလျက်ရှိကြောင်းသိရသည်။ 

✅သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ဖိုးချဲ(AMIA)