➡️ အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean)၏ ပင်လယ်ရေ မျက်နှာပြင်အပူချိန်နှင့်လေထုဖြစ်စဉ်များမှာ အားအသင့်အတင့်ရှိသော "အယ်လ်နီညို" အခြေအနေတွင်ရှိနေပါသည်။ နိုင်ငံတကာမိုးလေဝသဌာနများ၏ သင်္ချာပုံစံပြု မော်ဒယ်များ ခန့်မှန်းချက်အရ ၂၀၂၃ ခုနှစ် အောက်တိုဘာလမှ ၂၀၂၄ ခုနှစ် ဇန်နဝါရီလအတွင်း အားကောင်းသော "အယ်လ်နီညို" အခြေအနေသို့ ရောက်ရှိနိုင်ပြီး ၂၀၂၄ ခုနှစ် ဖေဖော်ဝါရီလမှစတင်၍ "အယ်နီညို"အခြေအနေမှာ တဖြည်းဖြည်း ပြန်လည်လျော့ကျလာနိုင်သည်ဟု ခန့်မှန်းရပါသည်။

➡️ "အယ်လ်နီညို" ဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့်ဖြစ်စဉ်ဖြစ်သော်လည်း အဆိုပါ "အယ်လ်နီညို" ဖြစ်စဉ်ကြောင့် အကျိုးသက်ရောက်မှုမှာ ယေဘုယျအားဖြင့် မိုးရွာသွန်းမှုမူမမှန်ခြင်း၊ နေ့အပူချိန်များမြင့်မားခြင်း၊ မုန်တိုင်းဖြစ်ပေါ်မှုများမူမမှန်ခြင်း၊ မိုးခေါင်ရေရှားခြင်းစသည့် အစွန်းရောက်မိုးလေဝသဖြစ်စဉ်များ ဖြစ်ပေါ်နိုင်ပါသည်။

➡️ သို့ဖြစ်ပါ၍ စိုက်ပျိုးရေးလုပ်ကိုင်နေသူ တောင်သူဦးကြီးများအတွက် ရာသီဥတုဖြစ်စဉ်များနှင့်ပတ်သက်၍ လိုအပ်ပါကကြိုတင်ပြင်ဆင်နိုင်ကြပါရန် အသိပေးအပ်ပါသည်။ "အယ်လ်နီညို" ဖြစ်ပေါ်မှုနှင့် ပတ်သက်သည့် သတင်းအချက်အလက်များအားအချိန်နှင့်တစ်ပြေးညီ တင်ပြပေးသွားမည်ဖြစ်ပါသည်။

Sources : မိုးလေဝသနှင့်ဇလဗေဒညွှန်ကြားမှုဦးစီးဌာန