🍃🌸🍃🌼🍃🌸🍃🌼🍃🌸🍃

↗️သီးနှံပင်၏အရွက်များမှ ရေနှင့်အာဟာရဓာတ်များ စုပ်ယူနိုင်ကြောင်းကို လွန်ခဲ့သော(၃)ရာစုကတည်းက တွေ့ရှိခဲ့ပြီး ၊ စပျစ်တွင် ရွက်ဖျန်းမြေဩဇာများကို (၁၉) ရာစုကတည်းက စတင်သုံးစွဲခဲ့ကြောင်း တွေ့ရှိခဲ့ရပါသည်။ ယနေ့အချိန်တွင် ရွက်ဖျန်းမြေဩဇာများသည် သီးနှံထုတ်လုပ်မှုစွမ်းအားကို မြှင့်တင်ရာအတွက် အရေးကြီးသောအခန်းကဏ္ဍ မှပါဝင်လျှက်ရှိပါသည်။

↗️ရွက်ဖျန်းမြေဩဇာအသုံးပြုခြင်းသည် မြေသြဇာတိုက်ရိုက်ကျွေးခြင်းကို လျှော့ချခြင်းနှင့် အစားထိုးအသုံးပြုရန်မဟုတ်ဘဲ အပင်လိုအပ်သည့်အာဟာရဓါတ်များကို အရွက်မှတစ်ဆင့် လျှင်မြန်စွာ ရရှိနိုင်ရန် ထပ်မံဖြည့်စွက်ပေးခြင်းသာ ဖြစ်ပါသည်။ သို့ဖြစ်ပါ၍ သီးနှံပင်နှင့် ပတ်ဝန်းကျင်အခြေအနေ အရ ရွက်ဖျန်းမြေသြဇာအသုံးပြုသင့်သောအခြေအနေများကို ဖော်ပြပေးလိုက်ပါတယ်။

↗️သီးနှံပင်များတွင် ရွက်ဖျန်းမြေဩဇာအသုံးပြုသင့်သောအခြေအနေများမှာ .....

 ၁။ မြေဆီလွှာအတွင်း သီးနှံပင်အတွက် လိုအပ်သောအာဟာရများ လုံလောက်မှုမရှိသောအချိန်။

 ၂။ မိုးရွာသွန်းမှုမရှိဘဲ ရေသွင်းခြင်းပြုလုပ်ရန် ခက်ခဲနေသောအချိန်။

 ၃။ မြေဆီလွှာချဉ်လွန်း၊ ငံလွန်းခြင်းကြောင့် အပင်၏အမြစ်မှ အာဟာရများစုပ်ယူစားသောက်မှုမပြုနိုင် ချိန်။

 ၄။ ရာသီဥတုခြောက်သွေ့ခြင်း၊ ရေဝပ်ခြင်း၊ ရာသီဥတုအေးခြင်းစသည့်အခြေအနေတို့ကြောင့် အပင်မှအာဟာရများ အလွယ်တကူမရနိုင်သောအခြေနေများ။

 ၅။ ပန်းပွင့်ချိန်တွင် အမြစ်ဖွံဖြိုးမှုနှင့်အမြစ်၏လုပ်ဆောင်ချက်များ လျော့ကျသွားလေ့ရှိသောကြောင့် လိုအပ်သောအာဟာရဓါတ်များအချိန်မှီမရရှိနိုင်မှုဖြစ်ပေါ်တတ်သဖြင့် ၎င်းအချိန်တွင် ရွက်ဖျန်း မြေဩဇာများကို အသုံးပြုပေးရန် လိုအပ်ပါသည်။

Sources : စိုက်ပျိုးရေးရာအထွေထွေဗဟုသုတများ