ကုလားပဲသီးနှံ အထွက်နှုန်းကောင်းဖို့အတွက် စိုက်ပျိုးချိန်ဟာ အလွန်အရေးကြီးပါတယ်.. ပဲမျိုးစုံသီးနှံများအနက် ကုလားပဲဟာ မြန်မာနိုင်ငံမှာ တတိယစိုက်ဧကအများဆုံးဖြစ်တာ တွေ့ရပါတယ်.. ပြီးတော့ ကုလားပဲဟာ နိုင်ငံအတွင်းမှာ အဓိကစားသုံးနေတဲ့ ပဲထဲမှာပါဝင်နေပြီး ပြည်ပပို့ကုန်အဖြစ်လဲ စျေးကွက်သေချာနေတဲ့ ပဲဖြစ်ပါတယ်.. ကုလားပဲကို အထွက်တိုးအောင် ဆောင်ရွက်နိုင်မယ်ဆိုရင် ပြည်တွင်းစားသုံးဖို့လဲ ဖူလုံတဲ့အပြင် ပြည်ပကိုပိုမိုတင်ပို့နိုင်ပြီး ပြည်ပဝင်ငွေလဲ တိုးမြင့်ရလာမှာ မုချပါဘဲ..  

ကုလားပဲသီးနှံဟာ များသောအားဖြင့် ပဲခူးတိုင်းဒေသကြီး အထက်ပိုင်းမှစပြီး မြန်မာနိုင်ငံအထက်ပိုင်း အညာဒေသတွေမှာ စိုက်ပျိုးမှုများတာကို တွေ့ရပါတယ်.. ကုလားပဲဟာ အပင်ဖြစ်ထွန်းချိန်၊ ပန်းပွင့်ချိန်၊ အသီးဝင်ချိန်တွေမှာ ညအပူချိန်နိမ့် အအေးဓာတ်ရှိပြီး နှင်းကျတာကို ပိုမိုနှစ်သက်ပါတယ်.. ဖြစ်ထွန်းအောင်မြင်ပါတယ်... အထူးသဖြင့် ကုလားပဲကို ဆောင်းရာသီမှာ စိုက်ပျိုးမှုပိုများတာ တွေ့ရပါတယ်.. ကုလားပဲကို ဆောင်းရာသီမှာ လယ်မြေစပါးရိတ်ပြီး လယ်သီးထပ်အဖြစ်လည်းကောင်း၊ ယာမြေတွေမှာ ဆောင်းသီးနှံအဖြစ်လည်းကောင်း စိုက်ပျိုးကြတာ တွေ့ရပါတယ်..