🍃🍃🍃🍃🍃🍃🍃🍃🍃🍃🍃🍃  

အပင်ရောဂါတစ်ခုဖြစ်ရင် ဆေးကိုချည်းအားကိုးနေလို့ မရပါဘူး.. ဆေးတွေဘယ်လောက်သုံးသုံး... အပင်အတွက်ကောင်းမွန်တဲ့ ပတ်ဝန်းကျင်အခြေအနေကို ဖန်တီးမပေးနိုင်ရင် သုံးတဲ့ဆေးတွေက ထိရောက်မှုနည်းပါလိမ့်မယ်.. ကွမ်းပင်အမြစ်ဆွေးအမြစ်ပုပ် ဖြစ်ရတဲ့အဓိကအကြောင်းရင်းတွေက... 

▪️ ကွမ်းခြံရေဝပ်ခြင်း၊ 

▪️ အစိုဓာတ်များခြင်း၊ 

▪️ ကွမ်းခြံမြေမှာ အမာခံလွှာ hard pan ရှိလို့မြေအောက်ရေမျက်နှာပြင်နီးခြင်း၊ 

▪️ အမြစ်ဇုံရေမွန်းခြင်းများကြောင့်ဖြစ်ပါတယ်။ 

ဒါတွေကိုဖြေရှင်းဖို့ အကောင်းဆုံးနည်းလမ်းကတော့ .....  

ကွမ်းခြံကမြေအနိမ့်အမြင့်ရှိရင် နိမ့်တဲ့ဖက်ခြံတစ်ဖက်စွန်းမှာ (၃)ပေအနက်လောက် ဖြတ်မြောင်းတူးပေးပြီး၊ 

မြေအနိမ့်အမြင့်မရှိ ညီညာတယ်ဆိုရင်တော့ ကွမ်းခြံကိုပတ်ပြီး (၃)ပေအနက်လောက် ပတ်မြောင်းတူးပေးရမှာ ဖြစ်ပါတယ်။ ဖြစ်နိုင်ရင် ဒီဖြတ်မြောင်း/ပတ်မြောင်းတွေကို ရေထုတ်မြောင်းနဲ့ ဆက်သွယ်ပေးထားရပါမယ်။ ဒါမှသာ ကွမ်းခြံထဲက မလိုအပ်တဲ့ရေပိုရေလျှံများ ဖြတ်မြောင်း/ပတ်မြောင်းများမှတဆင့် ကွမ်းခြံမြေထဲက စွန့်ထုတ်ပစ်နိုင်မှာ ဖြစ်ပါတယ်။  

ဒီလိုဆောင်ရွက်ပေးပြီးရင်တော့ ကွမ်းပင်ခြေရင်းကိုဖြစ်စေ၊ စိုက်ဘောင်မြေကြီးအားလုံးကိုဖြစ်စေ ထီး (သို့) ဘာလီဆိုဒ် မှိုသတ်ဆေးတစ်မျိုးမျိုးကိုစိုရွှဲအောင်ဖျန်းပေးထားရင် ဒီရောဂါအတွက် ကောင်းကောင်းစိတ်ချရပါပြီ။ 

 Than Win Agri