menu

စိုက်ပျိုးရေး မိုးလေဝသခန့်မှန်းချက် (၄.၅.၂၀၂၁ မှ ၇.၅.၂၀၂၁) ထိ


🌧⛈☀️🌦🌨🌧⛈☀️🌦🌨

➡ယခုတစ်ပတ်အတွက် ခန့်မှန်းချက်ကတော့ မွန်၊ ကရင်၊ တနင်္သာရီတိုင်း တို့မှာ တိမ်အနည်းငယ် ထူထပ်နေပြီး ကျန်ပြည်နယ်နဲ့ တိုင်းများမှာ နေသာနိုင်ပါတယ်။ မွန်ပြည်နယ်နဲ့ ကရင်ပြည်နယ်မှာ မိုးအသင့်အတင့်ရွာနိုင်ပြီးတနင်္သာရီတိုင်းမှာတော့ မိုးရွာရန်ရွာနှုန်း ၉၀ ရာခိုင်နှုန်းရှိပါတယ်။

နေ့ နှင့် ညအပူချိန်
----------------
ရန်ကုန်တိုင်း၊ ဧရာဝတီတိုင်း၊ ပဲခူးတိုင်းတို့မှာ နေ့အပူချိန် (၃၂-၃၆) ဒီဂရီစင်တီဂရိတ်နဲ့ ညအပူချိန် (၂၅-၂၇) ဒီဂရီစင်တီဂရိတ် ဝန်းကျင်ရှိနိုင်ပါတယ်။ မကွေးတိုင်းနဲ့ မန္တလေးတိုင်းတို့မှာ တိမ်အနည်းငယ် ထူထပ်နိုင်ပြီး နေ့အပူချိန် (၃၅-၃၇) ဒီဂရီစင်တီဂရိတ်နဲ့ ညအပူချိန် (၂၅-၂၇) ဒီဂရီစင်တီဂရိတ် ရှိနိုင်ပါတယ်။ မွန်ပြည်နယ်နဲ့ ကရင်ပြည်နယ်တို့မှာ မိုးအုံ့နေနိုင်ပြီး နေ့အပူချိန် (၃၀-၃၃) ဒီဂရီစင်တီဂရိတ်နဲ့ ညအပူချိန် (၂၃-၂၆) ဒီဂရီစင်တီဂရိတ် ရှိပါတယ်။ ရှမ်းပြည်တောင်ပိုင်းမှာတော့ နေ့အပူချိန် (၂၆-၃၁) ဒီဂရီစင်တီဂရိတ် နဲ့ ညအပူချိန် (၁၈-၂၀) ဒီဂရီစင်တီဂရိတ် ရှိနိုင်ပါတယ်။ တနင်္သာရီတိုင်းမှာတော့ မိုးရွာနိုင်ချေရှိပြီး နေ့အပူချိန် (၂၈-၃၂) ဒီဂရီစင်တီဂရိတ်နဲ့ ညအပူချိန် (၂၃-၂၅) ဒီဂရီစင်တီဂရိတ် ရှိပါတယ်။

တိမ်ဖြစ်ထွန်းမှု အခြေအနေ
------------------------
မြန်မာနိုင်ငံအောက်ပိုင်းဒေသများမှာ တိမ်များ ထူထပ်အုံ့ဆိုင်းနိုင်ပါတယ်။ ကျန်ဒေသများမှာတော့ တိမ်ကင်းစင်ပြီး ရာသီဥတုသာယာနိုင်ပါတယ်။

လေတိုက်နှုန်း အခြေအနေ
-----------------------
လေတိုက်နှုန်းမှာ မြစ်ဝကျွန်းပေါ်နှင့် ကမ်းရိုးတန်းဒေသများတွင် ပျမ်းမျှ တစ်နာရီလျှင် ၇ မိုင်နှုန်းရှိနိုင်ပြီး ကျန်ဒေသများတွင် တစ်နာရီလျှင် ၄ မိုင်နှုန်းခန့်သာရှိနိုင်ပါသည်။

Source : မိုးလေဝသနှင့်ဇလဗေဒညွှန်ကြားမှုဦးစီးဌာန