🫛🥜🫛🥜🫛🥜🫛🥜🫛🥜🫛

↗️ ယခုသီတင်းပတ်အတွင်း နယ်စုံမှဝင်ရောက်လာသော အသစ်ဝင်မြေပဲဆံများ အဝယ်သွက်နေသော်လည်း ပို့ကုန်ပဲများနှင့် ပြည်တွင်းသုံးပဲမာလိုင်းများ အရောင်းအဝယ်အေးနေကြောင်း ကုန်သည်များထံမှသိရသည်။

↗️ နိုဝင်ဘာလဆန်းပိုင်းတွင် မန္တလေးပဲဈေးကွက်အတွင်း နယ်စုံမှ အသစ်ဝင်မြေပဲဆံများ အဝယ်သွက်နေသည်။ မန္တလေးဈေးကွက်တွင် အသစ်ဝင်မြေပဲဆံတစ်မျိုးသာ အရောင်းအဝယ်သွက်နေပြီး အခြားပို့ကုန် မတ်ပဲ၊ ပဲစင်းငုံတို့မှာ အရောင်းအဝယ်ရပ်နေကြောင်း၊ ပြည်တွင်းသုံး ကုလားပဲအုပ်စုနှင့် ပဲမာလိုင်းများမှာလည်း ကထိန်ရာသီတွင် ကုန်သည်များမစုံလင်သေးသောကြောင့် အရောင်းအဝယ်အေးနေကြောင်း၊ ပဲသစ်ရာသီစိုက်ပျိုးမှုမှာလည်း စတင်နေချိန်ဖြစ်၍ ဇန်နဝါရီလကုန်ပိုင်းမှသာ ပဲအသစ်များ စတင်ဝင်ရောက်မည်ဖြစ်ကြောင်း ပဲကုန်သည် ဦးကျော်သွင်(ရွှေစင်သိန်းပွဲရုံ)ပိုင်ရှင်က ပြောသည်။

↗️ နိုဝင်ဘာ(၆)ရက်တွင် ပို့ကုန်ပဲများအနက် ပဲစင်းငုံမှာပေါက်ဈေးအဖွင့်မရှိ၊ မတ်ပဲ ပိဿာ ၆၀ တစ်အိတ်လျှင် ငွေကျပ် ၂၄၇,၀၀၀၊ ပဲတီစိမ်း(အညာ) သုံးတင်းဝင်တစ်အိတ်လျှင် ငွေကျပ် ၃၅၅,၀၀၀ အထိ ပေါက်ဈေးရှိနေသည်။

↗️ ပြည်တွင်းသုံး ကုလားပဲအုပ်စုမှာ အမျိုးအစားလိုက် တစ်အိတ်လျှင် ငွေကျပ် ၅,၀၀၀ - ၈,၀၀၀ ခန့် ဈေးပြန်မြင့်တက်လာရာ V2ကုလားပဲ သုံးတင်းဝင်တစ်အိတ်လျှင် ငွေကျပ် ၂၄၃,၀၀၀၊ V7 သုံးတင်းဝင် တစ်အိတ်လျှင် ငွေကျပ် ၂၂၅,၀၀၀၊ ထိုင်ဝမ်ကုလားပဲ သုံးတင်းဝင်တစ်အိတ်လျှင် ငွေကျပ် ၂၃၂,၀၀၀၊ 929 ကုလားပဲသုံးတင်းဝင်တစ်အိတ်လျှင် ငွေကျပ် ၂၃၈,၀၀၀ ပေါက်ဈေးရှိနေသည်။

↗️ ပြည်တွင်းသုံး ပဲမာလိုင်းများမှာ နိုဝင်ဘာ(၆)ရက်တွင် ပဲကြီးတစ်အိတ်လျှင် ငွေကျပ် ၅၀၀,၀၀၀၊ ကျွန်းစားတော်ပဲ တစ်အိတ်လျှင် ငွေကျပ် ၈၈၀,၀၀၀၊ ပဲနီပြာ(ကျွန်း) တစ်အိတ်လျှင် ငွေကျပ် ၅၃၀,၀၀၀၊ ပဲထောပတ်(သစ်)တစ်အိတ်လျှင် ငွေကျပ် ၂၈၀,၀၀၀၊ မြေထောက်ပဲ(မုံရွာ) တစ်အိတ်လျှင် ငွေကျပ် ၂၃၀,၀၀၀၊ စားတော်ပဲ(ကနေဒါ)တစ်အိတ်လျှင် ငွေကျပ် ၃၆၀,၀၀၀ ပေါက်ဈေးရှိနေသည်။

↗️ နှမ်းမျိုးစုံဈေးကွက်မှာ နိုဝင်ဘာ(၆)ရက်တွင် နှမ်းနက်(အက်ဆစ်လွတ်)သုံးတင်းဝင် တစ်အိတ်လျှင် ငွေကျပ် ၇၈၀,၀၀၀၊ နှမ်းဖြူ(ဂျပန်) သုံးတင်းဝင်တစ်အိတ်လျှင် ငွေကျပ် ၃၀၅,၀၀၀၊ နှမ်းညို သုံးတင်းဝင် တစ်အိတ်လျှင် ငွေကျပ် ၂၆၇,၀၀၀ ပေါက်ဈေးရှိနေပြီး မြေပဲအနီလုံးဆံ တစ်ပိဿာလျှင် ငွေကျပ် ၈,၆၀၀၊ မြေပဲဆီ တစ်ပိဿာလျှင် ငွေကျပ် ၁၄,၀၀၀၊ ပဲဖတ်တစ်ပိဿာလျှင် ငွေကျပ် ၆,၃၀၀ အသီးသီးပေါက်ဈေး ရှိနေကြောင်းသိရသည်။

↗️ သီးနှံ၊ ဈေးကွက်သတင်းများကို တောင်သူဦးကြီးများသိရှိနိုင်ပါရန် တင်ပြအပ်ပါသည်။ 

Sources : ရွှေမန်း (မကွေးဂျာနယ်)