menu
ကျွန်ုပ်တို့အကြောင်း
ဝိစာရအကြောင်း
အမြော်အမြင် နှင့် ခံယူချက်
ဝန်ထမ်းခေါ်ယူခြင်း
လူမှုအကျိုးပြုလုပ်ငန်း
ထုတ်ကုန်များ
ပေါင်းသတ်ဆေးများ
ရောဂါကာကွယ်ကုသဆေးများ
ပိုးသတ်ဆေးများ
ဟော်မုန်းဆေးများ
ဓာတ်မြေသြဇာများ
ရွက်ဖျန်းအားဆေးများ
စိုက်ပျိုးရေးရာသိကောင်းစရာ
Safe Use
Resources
FAQs
သတင်းများ
ဆောင်းပါးများ
သီးနှံစျေးနှုန်းများ
ဆက်သွယ်ရန်
မြန်မာ
arrow_drop_down
မြန်မာ
English
menu
ကျွန်ုပ်တို့အကြောင်း
ဝိစာရအကြောင်း
အမြော်အမြင် နှင့် ခံယူချက်
ဝန်ထမ်းခေါ်ယူခြင်း
လူမှုအကျိုးပြုလုပ်ငန်း
ထုတ်ကုန်များ
ပေါင်းသတ်ဆေးများ
ရောဂါကာကွယ်ကုသဆေးများ
ပိုးသတ်ဆေးများ
ဟော်မုန်းဆေးများ
ဓာတ်မြေသြဇာများ
ရွက်ဖျန်းအားဆေးများ
စိုက်ပျိုးရေးရာသိကောင်းစရာ
Safe Use
Resources
FAQs
သတင်းများ
ဆောင်းပါးများ
သီးနှံစျေးနှုန်းများ
ဆက်သွယ်ရန်
မြန်မာ
English
ရာသီဥတုအေးနေရင် မျိုးညှောင့်ဖောက်တဲ့စနစ်ကို သတိပြုပါ
🌾🌱🌾🌱🌾🌱🌾🌱🌾🌱🌾
🔘ရာသီဥတုကအေးမယ်။ နေ့အပူချိန်လည်းကျသလို ညအပူချိန်ပါကျနေမယ်ဆိုရင် မျိုးစပါး အညှောင့် ပေါက်မကောင်းတဲ့ ပြဿနာတစ်ခုကြုံရတတ်ပါတယ်။ စပါးပင်ရဲ့ကြီးထွားမှုသည် ပတ်ဝန်းကျင်လေထု စိုထိုင်းဆ ၊ အပူချိန်တို့နှင့် အများကြီးဆက်စပ်ပါသည်။ စပါးသည်အပူချိန် (၁၀) ဒီဂရီစင်တီဂရိတ် အောက်ရောက်လျှင် အညှောင့်ပေါက်တာနှေးစေပါသည်။ တစ်ဖန် (၃၅) ဒီဂရီစင်တီဂရိတ် အောက်ရှိ လျှင် အမြစ်စွဲအားကောင်းစေသည်။ နေ့အပူချိန် (၃၅) ဒီဂရီစင်တီဂရိတ်ရှိပြီး ညအပူချိန် (၁၅) ဒီဂရီ စင်တီဂရိတ် ရှိနေလျှင်အပင်ပွားစည်းအားကောင်းသည်ဟု ဆိုကြသည်။
🔘တောင်သူဦးကြီးတို့၏ မျိုးစပါးအညှောင့်ပေါက်ညံ့ရခြင်းမှာ (၁)မျိုးကိုက အပင်ပေါက်ညံ့ခြင်း။ (၂)မျိုးစေ့ ဖောက်တဲ့စနစ်ချို့ယွင်းခြင်း တို့ကြောင့်ဖြစ်သည်။ ထို့ကြောင့်မျိုးစပါးအတွက် မျိုးစေ့ကို အပင်ပေါက်နှုန်း ၈၅ ရာခိုင်နှုန်း အထက်ရှိတဲ့မျိုးစေ့ကိုအသုံးပြုကြပါ ဟု ဆိုခြင်းဖြစ်သည်။ ထို့ပြင်ရာသီဥတုအေးနေလျှင် မျိုးစေ့အညှောင့်ဖောက်တဲ့စနစ်ကို သတိပြုဆောင်ရွက်စေချင်ပါသည်။ ရာသီဥတုအေးနေတဲ့အချိန်မှာ မျိုးညှောင့်ဖောက်တဲ့စနစ်ချို့ယွင်းနေရင် သေချာပေါက်မျိုးစေ့အညှောင့်ပေါက်ညံ့မှာဖြစ်ပါသည်။ ၎င်းအတွက် အေးနေတဲ့ရာသီမှာ မျိုးညှောင့်ဖောက်တဲ့ နည်းစနစ်ကောင်းလေးကိုတင်ပြအပ်ပါသည်။
🔘အလျား ၁၂ပေ x အနံ ၈ပေ x အနက် (၃.၅ - ၄ )ပေ ရှိကျင်းတစ်ကျင်းတူးပါ။ တူးလို့ရလာတဲ့ မြေစာများ ကို ကျင်းပတ်ပတ်လည်မှာ စနစ်တကျပုံပေးပါ။ ကျင်းတူးသည့်အချိန်ကျင်းထဲတွင် ခြောက်သွေ့နေစေဖို့ သတိပြုရပါမည်။ ရေလုံးဝင်ခြင်း၊ ရေထွက်ခြင်းများ မရှိစေရပါ။ ၎င်းကျင်းထဲသို့ကောက်ရိုးအမှိုက်ခြောက် ထည့်ပြီးမီးရှို့ပေးပါ။ မီးရှို့လိုက်လျင်မြေအောက်ရှိမြေငွေ့အပူသည် ကျင်းပေါ်သို့တက်လာပါလိမ့်မည်။ ကျင်း၏အောက်ခြေတွင် ကောက်ရိုးခြောက် ၆ လက်မ ထု ခင်းပေးပါ။ ၎င်းနောက် ရေတစ်ညစိမ်ထား သည့် မျိုးစပါးအိတ်များကို ရေကုန်အောင်စစ်ပြီး ကျင်းထဲကကောက်ရိုးပေါ်မှာစီပြီးထပ်ထားပါ။
🔘ပြီးနောက် အိတ်များအပေါ်မှ ကောက်ရိုးခြောက်ထူထူ လုံနေအောင်ပြန်ဖုံးပေးပါ။ ထို့နောက် အပေါ်မှ တာလပတ် (သို့မဟုတ်) ပလပ်စတစ်နှင့် လုံအောင်ဖုံးပြီး ဘေးပတ်ပတ်လည်မှ အုတ်ခဲကျိုးများနှင့် ဖိပေး ထားပါ။ ၎င်းကျင်းတစ်ကျင်းလျှင် စပါး(၁၀-၁၅) အိတ်ခန့်ဝင်ဆံ့ပါသည်။ နှစ်ညခန့်အုပ်ပြီးလျှင်စပါးအိတ်များကို ပြန်ဖော်ပါ။ ထိုအချိန်တွင် ဖွေးနေအောင်အညှောင့်များထွက်နေသော မျိုးစပါးစေ့များကိုရရှိမှာဖြစ်ပါသည်။
စစ်မှန် ပြည့်ဝ ဝိစာရ
Credit : အောင်ဆန်း (စိုက်ပျိုးရေး)